Эндр зерлг ангудын бәәршлдг һазр харлһна нарта-делкән өдр. Эн байр нег минһн йисн зун далн йисдгч жилд эргндк йиртмж болн ангудын бәәдг һазр харлһна Бернск конвенцин программар темдглдг болв.

Хальмгин университетд оютнрин өдгә цагин некрвлә ирлцәтә төсвин үүлдврт онц оньг тусхагджана. Танһчин деед сурһулин инженерн-технологическ факультетин магистрант Сергей Настаев «УМНИК» нертә марһанд грант шүүж авв.

Әәдрхн-Кизляр хоорндк төмр хаалһин тосхачнрин баатр-зөрмг йовдл мөнкрүлгдхмн.Иргч жилд хаалһ эдлврт орсна далн жилин өөн күцх.Энүнлә ирлцүлж Улан-Хол станцд бумб тәвгдх зура бәәнә.Тер мет эн хаалһар санлын поезд бүрдәгдх зөвтә.

Элст балһсна поликлиникд ясврин көдлмш кегджәнә. Энүнә төлә балһсна хазнас зун минһн арслнг йилһж өггдв. Энүнә тускар поликлиникин ах эмч Эрднь Шогджиев зәнглв. Ода кергтә тосхлтын материалмуд хулдж авгдв.

Эндр багшин нарта-делкән сән өдр. Хальмгин университетд академик Пүрвя Мучкаевич Эрдниевиг байрин өдрлә йөрәв. Астраханск педагогическ училишд сурчаһад, экләд багшар көдлв. Ода болхла далн жилдән багшлжана.

Краснодарск крайд уйн наста спортсменмүд дунд болсн дорд үзгин эв-арһар бөк бәрлдлһнә цугәрәсән марһанас Элст балһсна элчнр хөрн тавн медаль шүүж авч ирв.

Әрәсәд намрар цергт мордлһна кем эклв. Хальмгин цергә комиссариат Әрәсән цергт долан зун кү йовулхар зуралжана. Цергт мордх көвүдин түрүн баг октябрин хөрнд тогтагдх.

Гражданск харслтын улд Әрәсәд аюлас гетлүлж, бачм чинртә йовдлмудла ноолда келһнә төлә келн-улсин систем бүрдәгдв. Эндр гражданск харслтын церглт бүрдснә далн йисн жилин өөн күцв.

Эндр Нарьян-Мар балһснд Дмитрий Медведевин һардврта Әрәсән Федерацин Государственн Хүүвин президиумин сүүр болв. Энүнд Хальмг танһчин толһач Алексей Орлов орлцв. Сүүрт жилишн-коммунальн эдл-ахун төрмүдәр тодрха күүндвр болв.

Элст балһснд Советск Союзин Герой, генерал-полковник Ока Иванович Городовиковин санлд нерәдгдсн греко-римск янзар бөк бәрлдлһнә цугәрәсән марһан болв.

Жанһрин байр хальмг улсин ик кезәнк цагас ирсн авьяс болжана. Чанһ-чиирг, эвтә довта залус бүс бәрлдж ноолддг бәәсмн, мөрнә урлданд орлцдг билә, саадгас тов халһна марһанд дииләчән йилһдг билә.

«Знамение» нертә Курск коренная икона Богородицы шүтән Хальмг тан.чд ноябрин дөрвнд Элст бал.сна Казанск кафедральн чонжин байрин өдр авч иргдх. Энүнә тускар владыка Зиновий журналистнрла болсн харһлтд келж өгв.