Целинн района “Сайгачонок” нертә бичкдүдин лагерьт «Ключи от лета» нертә Хальмгин оютнрин отрядмудын фестиваль болв. Эн керг-үүлдвр зунын күч-көлснә кампаня ашт нерәдгдв.

Элст балһсна предприять-организацс Пенсионн сангд зун далн йисн сай арслнг өртә. Эн төрәр пенсионн сангд болсн пресс-конференцд иим предприятьмуд болн арһлачнрин нерд заагдв.

Эн өдрмүдт Хальмг танһчд нертә номт болн гегәрлгч Очра Номтын зун хөрн тавн жилин өөн темдглгджәнә. Нег минһн нәәмн зун найн зурһадгч жилин октябрин арвнд Довукина Очрин өрк-бүлд көвүн төрв.

Сүл өдрмүдт зөвәр киитрснәс көлтә Элст балһсна мэрийн закврар, хотл балһснд дула өглһнә кем эндр өдрәс авн эклжәнә. Энүнә тускар мэрийн барин церглт зәнглв.

Настольн теннисин межрегиональн марһанд ут-тоодан найн уйн наста спортсменмүд орлцв. Дөрлдән байрин бәәдлд секлһнд Хальмг танһчин толһа Алексей Орллов орлцад, баһ наста теннисистнриг йөрәв.

Элст балһснд каратэ-до сетокан эв-арһар бөк бәрлдлһнә секәтә танһчин марһан болв. Эн дөрлдән цергә даалһвран күцәж йовад әмнәсн хаһцсн хальмг танһчин МВД-н көдләчнр Баснг Акугиновин болн Сергей Манкаевин санлд нерәдгдв.

Тадн танһчин зәнг хәләжәнәт, hарцан цаарандан өгчәнәвидн. Хаалһ тосгдх. Элст балһсна мэрийн һардачнр хотл балһсна ар үзгин райодын уульнцсин әмтнлә болсн харһлтд иим үгән өгв.

Района тәрәчнр көдлмшин ашан диглв. Яшалтинск районд селәнә эдл-ахун көдләчнрин байр болв. Района стадионд олн фермермүд цуглрв, тер тоод района хамгин хол селәдин элчнр ирж, нәр-нааднд орлцв.

Эндр өдрмүдт Пальмовин нертә келн-улсин музейд «Палитра истории» нертә һәәхүл секгдв. Энүг хәләсн улсин тоолврар, энд ке-сәәхн зургуд тәвгдж. Олн-зүсн зурачнрин үүдәврмүд хәләхд соньн болна.

Элст балһсна школмудын арвн сурһульч хотл балһсна мэрийн мөрәһәр ачлгдв. Иим мөрә сурһулин жилин ашар бәрүлж өггднә. Иим марһан “Эрдм-сурһуль” нертә келн-улсин төсвәр долан жил хооран эклсмн.

Намр экләд, хур орхла Элстин захд бәәх улс йосндан түрнә. Хаалһар йовдг арһ уга болна, энд-тенд нүкн болн бальчг.

Эндр Хальмг танһчин толһач Алексей Орлов Китдин делегацла харһлт кев. Эдн ФИДЕ-н Президент Кирсан Илюмжиновин үрврәр мана танһчд ирв. Делегациг Шэньчжень балһсна шатрин ниицәнә президентин дарук Лю Шилан толһалж ирсмн.

Тадн танһчин зәнг шуд эфирт хәләжәнәт., арцан цаарандан өгчәнәвидн.“Хальмг Танһч” нертә хәәврин отряд намрин “Вахта Памяти” керг-үүлдвр күцәв.

Элст балһсна аптекмудт эмин чинр шинжлж бүрткснә ашт зокал эвдсн йовдл илткгдсн уга. Хальмгин хотл балһснд хойр өдр Россздравнадзорин лабораторь көдлв.Ростов-на-Дону балһсна специалистнр әмтнд эрк биш кергтә эм шинжлж хәләв.

Хальмг танһчд бәәх интернатн йисн учрежденьд намрин — үвлин кемд дула өглһнә систем белн болх.