«Знамение» нертә Богородицин әрүн шүтән Хальмг танһчд ноябрин һурвнд Элст балһсна Казанск кафедральн чонжин байрин өдр авч иргдх
«Знамение» нертә Курск коренная икона Богородицы шүтән Хальмг тан.чд ноябрин дөрвнд Элст бал.сна Казанск кафедральн чонжин байрин өдр авч иргдх. Энүнә тускар владыка Зиновий журналистнрла болсн харһлтд келж өгв.Эн шүтән православн шажна хамгин әрүн шүтәнә негнь болжана.Шүтән олн улсиг кесг дәкж харсж авсмн, кесг кү эдгәв.Тер мет Элстин болн Хальмгин епархий болн Элст балһсна эрдм-сурһулин заллтин хоорнд нөкцлтин зөвшәл батлж авгдв, «За нравственный подвиг учителя» нертә марһана хойр девснгин дииләчнрт ачлврмуд бәрүлж өггдв.
Ольга Перепелятниковад болн хөрн негдгч школын багшнрт Элстин болн хальмгин владыка Зиновий ачлврмуд бәрүлж өгв.Элстин багшнр эклц классмудын сурһульчнрин төлә “Мирная радуга семи я” нертә оюни болн шагшавдын сурһмжин программ белдж һарһсмн. Эднә белдсн программ “За нравстенный подвиг учителя” нертә мөрән бичкдүдт болн баһчудт сурһмж өглһнә танһчин болн округсин девснгин марһана дииләчнр болсмн.Ода эдн цугәрәсән марһана девснгд орлцхар белдвр кежәнә. Хөрн негдгч школын багш Ольга Перепелятникован келсәр, эн программ бүлкдән эклц классмудын төлә белдгдв.Энүнд сурһуляс сул цагтан бичкдүдлә көдлх зура орв, сурһульчнрин үүдәгч билгинь делгрүлх, шинжлтын көдлмш күцәх, олн-зүсн экскурсь болн православн шажна әрүн һазрт одх зура темдглгдв.Эннь цугтан программд орв.
Ачлврмуд бәрүлж өгсн хөөн, Элстин болн Хальмгин епархийн болн Элст балһсна эрдм-сурһулин заллтин хоорнд нөкцлтин зөвшәл батлж авгдв.Эн зөвшәлтәр хойр халх хамцу программ белдж авх, бичкдүдт болн Элстин баһчудт оюни болн шагшавдын сурһмж өглһнә тускар лекцс умшх зура бәәнә.Тер мет иим зөвшәлтәр наркоманля ноолда кехд, әрк-чаһр уулһнла тәмк татдг ум аьясла болн талдан чигн аля-азд йовдлмудла ноолда кехд чидлән негдүлх көдлх зура бәәнә. Элст балһсна мэрйин эрдм-сурһулин заллтин ахлач Нәәмн Оконовин келсәр, өдгә цагин күнд бәәдлд сурһульчнрт сурһмж өглһнә халхд хаһлх төрмүд дала. Хамгин түрүнд оюни болн шагшавдын сурһмжд онц оньг тусхах кергтә. Эн туст бидн цуг бичкдүдлә болн баһчудла көдлх зөвтәвидн. Сурһульчнрла зерг талдан баһчудла көдлх төр тәвгджәнә. Болв эн көдлмшиг бичкдүдин садас авн эклх кергтә.
“Знамение” нертә Курск коренная әрүн икона Богородица шүтән Хальмг танһчд авч ирхин тускар журналистнрт Владыка Зиновий келж өгв. Әрүн шүтән ноябрин һурвн шинд Элст балһсна Казанск кафедральн чонжин байрин өдр ирх гиж зуралгджана. Епископин келсәр, эн әрүн шүтән арвн һурвгч зун жилин кезәнк шүтәнәс зурж авгдсмн. Һурвн зун жил хооран үүдәгдсн шүтән ода ик күч-чилтә әрүн шүтән болжана. Элстин болн Хальмгин епископ Зиновий келсәр, эн шүтән Әрәсән хамгин әрүн шүтәнә негнь болжана. Энүнд нег минһн хойр зун йирн тавдгч жилд Курск һазрт үүдәгдсн әрүн дүр болжана. Энүнд шүтсн улс олн —зүсн илвтә темдг илткнә гиж владыка Зиновий келнә.
Әрүн Богородица шүтән Хальмг танһчд ноябрин арвн хойр күртл бәәх. Владыка Зиновий келсәр, олн улс эн әрүн шүтәнлә хамдан танһчин административн межә эргж йовх зура бәәнә.
Татьяна Зубцова Жамбин Дмитрий
