Элстин нәәмдгч микрорайона һучн негдгч герин патьрмудт ода күртл дулан өггдәд уга, халун усн чигн иржәхш, подьезмуд ахулгджахш, дула өгдг счетчик яслһна мөнгн икдв.

Хальмгин университетд негдгч курсын оютнрин байр болв. Энүнд цуг факультетин оютнр цуглрв. Эдниг деед сурһулин һардачнр, багшнр йөрәв. Негдгч курсын цуг оютнрт шүүврин дегтр бәрүлж өгв.

Эндр дигтә нег жил хооран Хальмг танһчиг Алексей Орлов һардсмн.

Хальмгин университетд зунын кемд производственн дамшлт келһнә аш диглгдв. Энүнд нерәдгдсн конференцд школмудын директормуд болн багшнр ирв.

Сарпинск района Һоожур селәнд бәәх психоневрологическ диспансерин герт дулан өгдв. Эндр өдр күртл хораст киитн болснас көлтә әмтн дулан хувцан өмсәд, дулан көнжләр бийән хучад унтдг бәәсмн.

Хальмг танһчин хаалһсар әәмшг угаһар йовлһна туст ямаран бәәдл тогтв? Статистикин то-дигәр, жил ирвәс хаалһст зеткртә йовдлмудын то өсәд йовна. Энүнәс көлтә шавтсн болн әмнәсн хаһцсн улсин то бас ик.

Эндр Целинн районд селәнә эдл-ахун болн эд-бод кедг промышленностин көдләчнрин байр болжана. Байрин керг-үүлдврмүд Троицкое селәнд өрүн йисн часла эклв.

Хальмг танһчин льготникүдин найн процентнь иргч жилд социальн туслмжин ормд мөнг авх саната. Социальн туслжм авх танһчин һучн минһн күүнәс хөрн дөрвнь энүнә ормд мөнг авхар шиидв.

Эн жил Хальмгин государственн университетд түрүн болж һазадын ордудас магистрантнр ирж сурчана. Монһлын, Киргизин, Казахстана болн Китдин оютнр энд орс кел дасжана, мана орн-нутгла өөрхн таньлджана.

Тогтсн тенгрин бәәдләс көлтә Хальмг танһчд намрар заһс бәрлһн жанһрта болжана. Деед — ар үзгәс көдлжәх шүрүн салькнас көлтә, заһсчнр тенгст һарч чаджахш.

Эндр Элст балһснд автомашидын эздүдәс өр некж авхин төләзарһин приставмуд, алвна инспектормуд болн ГИБДД-н көдләчнр хамцу керг-үүлдвр күцәв. Өрәл өдрин эргцд арвн минһн арслнг өрн некж авгдв.

«Олн-әмтнә участковый». Иим нерәдлһтәмарһан Әрәсәд эклв.Энүнд орлцх полицин участкин көдләчнр эврәннь эрдмин билгән үзүлхмн. Әрәсән әмтн интернетар тавн чинрәр хамгин сән полицин көдләчин төләдууһан өгч чадх.

Элстин төрлһнәгерт капитальн ясвр кегджәсн бийнь, медицинск учреждень урдк кевәр көдлжәнә. Сар болһн энд хойр зун күүкд күн нилхрнә. Ясвр кегджәх кемд саата күүкд улс Ленина нертәуульнцд бәәх әнгд бәәнә.

Эндр Владимир Гурба Хальмг танһчар ЮФО-д Әрәсән президентин күцц зөвтәэлчин аппаратын ах федеральн инспектор Александр Беляевла танһчин толһач Алексей Орловиг таньлдулв. Урднь Беляев мана танһчд көдлсн билә.

Хальмг танһчд көдлмшин кергәр Өмн үзгин федеральн округд Әрәсән президентин күцц зөвтәэлчин дарук Владимир Гурба ирсн бәәнә. Хальмгин толһач Алексей Орловла болсн харһлтын хөөн, гиич танһчин бичкдүдин больницд одв.