Заһс бәрлһнә цагт браконьермудла ноолда келһн чанһрна. Мана үүдәгч баг Лаганск районд одад ирв. ФСБ-н заллтин пограничникүд Көк тенгст һарад өдр сө уга гилтә бүртклһ кежәнә.

Иргч амрлһна өдрмүдт Әрәсә үвлин цагт орх бәәсмн. Болв эн жиләс авн иим кемд оршго. Урднь бидн хаврар болн намрар цагиг нег час хооран эс гиж өмәрән кедг биләвидн.

Хальмг танһчин толһач Алексей Орлов хойр өдр Көтчнрә районд көдлмшин кергәр бәәв. Тенд района селәдт одад, социальн чинртә обьеткмудын көдлмш бүрткв, бәәрн улсла харһад күүндв.

Давсн амрлһна өдрмүдт субботник болв. Энүнд Элст балһсна бәәрн улс орлцв.

Москва балһснд болсн дөрвдгч келн-улсин инвестиционн форумд Элст балһсна мэрийн төсв алтн медаль шүүж авв.

Эндр Хальмг танһчин толһач Алексей Орлов Көтчнрә районд көдлмшин кергән цаарандан күцәжәнә. Энүнә өмн танһчин һардач Шатта болн Һашун Бурһстн селәдт газ орулһна байрт орлцв, селәдин бәәрн улсла харһлтс кев.

Намрар цергт мордлһн эклв. Хальмг танһчас цергт долан зун күн мордхмн. Эндр хальмгин хөрн тавн көвүн Ар Осетин цергә әнгд һарч йовв. Тогтсн авьясар эдниг байрин бәәдлд йовулв.

Сүл цагт һаза йовсн әмтиг ноха зуусн йовдлмудын тө өсжәнә.Зәрмдән улсиг эзнә нохас зууна. Иим эздүд эврәннь нохасан хәләвр угаһар үлдәһәд, дурта анг уга үлдх әәмшг бәәнә.

Элст балһснд Роспотребнадзорин специалистнрин кесн бүртклһнә ашт әәмшг угаһар олзлх шишлнг цаасг уга Китдин наадһас илткгдв.Бүртклһнә ашт Элст балһсна зарһд йовулгдв. Зарһин шиидввәр, әәмшгтә бичкдүдин наадһас уга кегдв.

Эндр Хальмг танһчин толһач Алексей Орлов хойр өдрәр көдлмшин кергәр Көтчнрә районд одв. Тенд танһчин һардач Көглт селәнә улсла харһлт кев. Шатта болн Һашун Бурһст селәдт газ секлһнә байрт орлцв.

Удл уга мана танһчд жанһрчнрин болн келмрчнрин 4-гч нарт-делкән фестиваль давулгдх. Энүг угтж Хальмгин билгтнр белдврин үүл күцәжәнә. Шидр «Өөрднрин хотн» гидг цутхлнгин ул деер жанһрчнрин семинар болв.

Яшалтинск района Веселовск селәнә муниципальн бүрдәцд бичкдүдин сад секхинь бәәрн улс ик гидгәр күләжәнә. Сүл хөрн жилд селәнд бичкдүд садт орж чадсн уга.

Эндр Хальмг танһчин толһач Алексей Орлов танһчин олнд зәнглһнә эв-арһсин һардачнрла болн Әрәсән газетин журналистнрла һурвн частан күүндвр кев.

Әрәсән хамгин нертә театральн деед сурһулин негнь Собиновин нертә государственн консерваторь төгсәжәх оютнр Элст балһснд билг-эрдмән үзүлх. Эн байр хальмг танһчин драмин болн шог наадна осрин театрт болх.

Эндр Әрәсән цергә шишлнг әнгин цергчнр эврәннь эрдмин сән өдрән темдглжәнә. Иим церг Әрәсәд нег минһн йисн зун арвн нәәмдгч жилд тогтагдв.