Хойр өдртән орсн хур гииһәд, эндр нарн һарад чилгрв. Намрин кемиг шүлгчнр болн зурачнр эврәннь үүдәврмүдтән үзүлхдән дурлдг бәәсмн. Элст балһсна әмтн болхла эн цагин тускар олн-зүсн тоолврта.

Зәрм улст заһс бәрлһн йоста эрдм болна, талдан улст сул цаган сергмжтәһәр давулдг кем болна. Зәрм әмтн иим кергиг чеежин сергмж авхин төлә күцәнә гиж келгднә.

Хальмг танһчд дула өглһнә кем болзгаснь эрт эклв. Элст балһсна һардачнрин иткүлсәр, олн давхрта цуг гермүдт дулан өггджәнә.

Эн жилин йисн сарин эргцд зака эвдсн йовдлмудын то мана танһчд баһрв. Энүнә тускар эндр хальмг танһчин дотр-дундын кергүдин министерствин коллегин сүүрт келгдв. Сүүрт танһчин зөв-йосна органмудын һардачнр орлцв.

Элст балһснд Хальмг танһчин нертә сойлын болн искусствин үүлдәчнр бәәршлжәсн Очра Номтын нертә уульнцин герт мемориальн самбр байрин бәәдлд секгдв.

Энүнә тускар Лаганск районд болсн МЧС-ин коллегин сүүрт тодрхаһар келгдв. Сүүрин орлцачнрин темдглсәр, эн жил давсн жиллә дүнцүлхлә, түүмр шатсн йовдлмудын то баһрв. Тер бийнь эн халхар санамрдх керг уга.

Пүрвә Мучкаевич Эрдниев — салдс, багш, номт, гражданин гидг нертә балһсна номин дамшлтын конференц болв. Эн керг-үүлдвр академик Эрдниевин йирн насна өөнд нерәдгдв.

Нәрн эрдм бичкдүд дасжана. Ик-Буурла района бичкдүдин үүдәлтин герт багшнр сурһульчнриг һарин өвәрц эрдмлә витражла таньлдулж дасхжана. Эн дүрслгч искусствин эрдм байн туужта.

Хальмгин университетд дәкәд нег номин болн сурһулин цутхлнг секгдв. Энүг профессор Владимир Саксыков һарджана. Энүнлә көдлжәх әмтнә тоолврар, профессор Саксыков номин халхар соньн шинжлт кев.

«Равные возможности». Иим нерәдлһтә хамцу керг-үүлдвр Элст балһснд болв. Энүг инвалидмудын цугәрәсән ниицәнә региональн әнг болн танһчин бачһудын цутхлнгин көдләчнр бүрдәж давулв.

Ода эн болн талдан чигн зәнгсин тускар тодрхаһар. Танһчин предприятьмуд үвлин кемд белдвр кежәнә. Үвлин өмн өргнд «Городское зеленое хозяйство» нертә муниципальн учреждень техническ давс болн элс белдж авчана.

Эндр Хальмг танһчд ЛДПР-ин һардач Владимир Жириновский көдлмшин кергәр ирв. Өрүн эртәс авн Элст балһснд будн бууһад, гиичин самолет оратж нисж ирв.

Әәдрхн балһснд «Мир Кавказу» нертә Өмн үзгин регионмудын келн-улсин арвн дөрвдгч фестиваль болв. Энүнд Хальмг танчһас государственн ду-бииһин Бамб цецг ансамбль орлцв.

Көтчнрә района Алнцһуд селәнә улс нертә эмч Намка Кичиковин зун арвн жилин өөн темдглв. Намка Долдушевич Цанид Чөөрә хурлын деед буддийск школ төгсәсмн.

Өдгә цагт мана танһчд баһ комплектн школмуд күнд бәәдлд тусв. Энд көвүд-күүкдт сурһуль дасхд күнд болна, багншр чигн дутжана. Иим школмудт тәвнәс үлү сурһульчнр уга.