3 октября 2011, 20:24
Элст балһснд Советск Союзин Герой О.И.Городовиковин санлд нерәдгдсн греко-римск янзар бөк бәрлдлһнә цугәрәсән марһан болв
Элст балһснд Советск Союзин Герой, генерал-полковник Ока Иванович Городовиковин санлд нерәдгдсн греко-римск янзар бөк бәрлдлһнә цугәрәсән марһан болв.Энүнд Әрәсән Өмн үзгин федеральн округин долан регионас зун тәвн уйн наста бөк ирж дөрлдв. Келхд, иим дөрлдән далн дөрвдгч жиләс авн бүрдәгдж давулгджана. Хальмг танһчин нертә спортсменмүд энүнд диилвр бәрсмн. Эн жил мана танһчин нер хальмгин университетин спортын әнгин болн педагогическ училишин оютнр харсв. Эднә зәрмнь сән үзмж бәрәд, эврәннь чиннүрин категорьт диилвр бәрв.
