Тадн танһчин зәнг шуд эфирт хәләжәнәт. Һарцан цаарандан өгчәнәвидн. Эн өдрмүдт Пальмовин нертә келн-улсин музей йирн жилин өөнән темдглжәнә.

Эндр Элст балһснд бачм чинртә бәәдлд яһж үүлдхин туст МВД-н әнгсин көдлмш бүртклһнә сурһуль болв Хальмгин МВД-д бачм чинртә йовдлмудын оперативн штабын селвлцән болв.Энүнд полицин элчнр болн МЧС-ин көдләчнр орлцв.

Махна мал өсклһнә номин шинжлтын цугәрәсән институтын номтнр Хальмгин малчнрт сән дөн болжана.

Ода эн болн талдан чигн зәнгсин тускар тодрхаһар. Эндр Элст балһснд хальмг танһчин правительствин президиумин сүүр болв.Энүнд танһчин делгрлтд хальмгин государственн университетин тәвцин тускар келгдв.

Эндр Советск Союзин Герой, олн-әмтнә генерал Баснг Городовиковин төрсн өдр. Эн күн мана танһчин босхмжд болн цецгәрлтд аһу ик тәвцән орулсн күн болжана. Төрскән харсгч дәәнд орлцад, баатр-зөрмг кеәвр дәәлдсмн.

Ода эн болн талдан чигн зәнгсин тускар тодрхаһар. Эндр Элст балһснд доладгч микрорайонд Октябрь кинотеатрин өөр өдгә цагин дәәнә болн контртеррористическ керг-үүлдврт орлцсн салдснрт нерәдгдсн бумб секгдв.

Һарцин чилгчәр спортын туск зәнг. Хар һазра районд Социалистическ күч-көлснә Герой Егор Лукшановин санлд нерәдгдсн греко-римск янзар бөк бәрлдлһнә арвн хойрдгч марһан болв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балһснд бичәч Эрнжәнә Константина зун жилин өөнд нерәдгдсн шүлгләнә асхн болв. Бичәчин онта өөниг мана танһч иргч жилд өргнәр темдглх.

Ода эн болн талдан чигн зәнгсин тускар тодрхаһар. Эндр өдрәс авн сунһлһна цуг комиссьмүдт талдан һазрт дууһан өгх саната улст шишлнг иткүлин цаасн экләд өггджәнә.

Бичкдүдин бииһин «Тюльпанчик» ансамбль Москва балһснд болсн «Во имя жизни на земле» нертә цугәрәсән марһанд орлцад, түрүн хойр орм эзлв, гран-при шүүж авв. Марһанд хөрн тавн бичкдүдин коллектив орлцв.

Төрскн кел хадһлж босхлһна күцлтәһәр Элстин цутхлнг хурлд хальмг келнә сурһуль өнгәр күцәгдх. Бурхн Багшин Алтн сүмд хальмг кел дасх саната цуг улс ирж чаджана.

Жил ирвәс мана Хальмгин деед сурһульд ном дасх саната улсин то өсәд йовна. Университетд зуг мана танһчин баһчуд биш, хам-хоша бәәх балһсдын болн талын һазрин көвүд-күүкд сурһуль дасчана.

Көтчнрә района “Инглян” нертә ансамбль бичкдүдин йилһән сән коллективин нер зүүжәнә. Иим нерн эднд Әрәсән эрдм-сурһулин министрин закврар зүүлһгдв. Эннь ансамблин арвн тавдгч өөнд сән белг болв.

Яшкульск района Гашунский поселкд тротуарн плитк кеж һарһдг эврә цех көдлжәнә. Эн цех ик заводла дүнцүлж болшго, тер бийнь эднә кесн продукц районд күрчәнә.

Декабрин дөрвнд болх Әрәсән Государственн Думин сунһврт Элст балһснд тәвн сунһлһна участк көдлх. Ода балһсна территориальн сунһлһна комиссь бүрдәмжин көдлмш күцәжәнә. Участкудт тииз, кергтә документ болн методическ литератур түгәж өггджәнә.