Эндр Элст балһснд Хальмг танһчин правительствин президиумин сүүр болв
Ода эн болн талдан чигн зәнгсин тускар тодрхаһар. Эндр Элст балһснд хальмг танһчин правительствин президиумин сүүр болв.
Энүнд танһчин делгрлтд хальмгин государственн университетин тәвцин тускар келгдв. Эн төрәр ректор Бадма Салаев доклад кев. Хальмгин министерствс, ведомствс болн муниципальн бүрдәцс танһчин деед сурһульлла хамцу нөкцлт кехин тускар келв. Ода деерән им хәрлцән зәрм ведомствсла тогтагдад уга. Зуг эрдм-сурһулин болн селәнә эдл-ахун министертствла нөкцлт күцәгджәнә. Эн ведомствсин һардачнр энүнә тускар тодрхаһар келж өгв. Муниципальн бүрдәцс дунд болхла Хальмгин университет Целинн болн Ик-Буурла РМО-ла өөрхн залһлда бәрж көдлжәнә. Сүүрт үг келсн Хальмг танһчин толһач Алексей Орлов эн төрәр күцәх керг-үүлдврмүдин тускар селвгүд орулж өгв.
