Хар һазра районд Егор Лукшановин санлд нерәдгдсн бөк бәрлдлһнә марһан болв
Һарцин чилгчәр спортын туск зәнг. Хар һазра районд Социалистическ күч-көлснә Герой Егор Лукшановин санлд нерәдгдсн греко-римск янзар бөк бәрлдлһнә арвн хойрдгч марһан болв. Энүнд Элст балһсна болн танһчин тавн района найн уйн наста бөк орлцад, дииләчән йилһв. Командн дөрлдәнд хар һазрахн түрүн орм эзлв. Эдн зурһан алтн медаль шүүж авв. Хойрдгч орм лаганцнр эзлв, һурвдгч ормд Ик-Буурла района команд һарв. Мана зәнгч Аджин Светлана бөкнрин ноолда бас хәләв.
Тогстн авьясар марһан түрүн девснгин дөрдәнәс эклв. Энүнә хөөн жирв хайгдв. Марһана ах зарһч Виктор Мангашовин келсәр. жил ирәвс турнирн улм сәәнәр бүрдәгддг болв. Жил болһн нааран танһчин хамгин сән гисн бөкнр ирж дииләчән йилһнә. Эднә дамшлт өөдләд, баһ наста спортсменмүд сән эрдмән үзүлжәнә. СНХ Дөрлдәнә ах зарһч Виктор Мангашовин келсәр, иим турнирт орлцсн спортсменмүд Өмн үзгин федеральн округин болн Әрәсән марһаст хальмгин нер харсжана. Эн дөрлдәнд бөкнр дамшлтан өөдлүлнә.
Бөк бәрлдлһнә марһан сән зангшалд тохрж, энүнд олн улс ирж орлцна. Эн жил бөкнр арвн һурвн чиннүрин категорьт ноолдв. Дииләчнр болн призермуд күндлһнә һашгудар, кубокар болн мөнгнә мөрәһәр ачлгдв. СНХ Селәнә ахлач Роман Шавартаевин келсәр, түрүн орм эзлсн бөкнрт Лукшановин өрк-бүл мөрә бәрүлж өгнә. Хойрдгч орм эзлсн спортсменмүдиг Черноземельский племзавод ачлна. , урвдгч орм эзлсн улст СМО мөрә тогтав.
ВЗК: Социалистическ күч-көлснә Герой Егор Лукшановин көвүн Андрей Лукшановин келсәр, дорас өсж йовх баһчу чан-чиирг болхин төлә мөнгн харм биш. Танһчин нертә малч Егор Лукшановин санл тодлснь ик чинртә керг болжана. Олн әмтн иим улсин тускар медх зөвтә. СНХ Андрей Лукшановин келсәр, жил болһн мана селәнд зун һучн-зун тәвн бөк ирж дөрлднә. Эннь сән керг. Иим марһана нилчәр мана аавин нерн олн дунд мартгджахш.
Эн жилин марһанд нертә болн тоомсрта Геройин ач көвүн Егор орлцв. Энүнд аавиннь нер өгсн бәәж. Бичкн Егор һучн тавн килограммин чиннүрт ноолдад, хойрдгч орм эзлв. Диилвр бәрхәр седләв, зуг күцлдән күрсн угав. Иргчдән сәәнәр белдвр кех кергтә гиж Егор келнә. Иргч жилд болх дөрлдәнд ач көвүнь эрк биш диилвр бәрх саната. Иим күцәмж бәрхлә, аавиннь санлынь тевчсн темдг болх.
Азыда Надежда Очра Сергей
