Ода эн болн талдан чигн зәнгсин тускар тодрхаһар. Эндр танһчин бичкдүдин больницин дорд үзгин әнг ясврин хөөн байрин бәәдлд секгдв. Б-З: Энд кегдсн шинрүлһнә ясврин көдлмш һурвн жилдән кегдв.

Цугәрәсән олимпиадын муниципальн хойрдгч девснгд Элст балһсна нег минһн сурһульч орлцжана. Эндр өдрт көвүд-күүкд орс келнәболн литературин, эсвин, физикин предметмудар медрлән үзүлв.

Әрәсән иргчин төлә баһ наста экономистнр. Иим нерәдлһтә оютнрин болн баһ наста номтнрин нарта-делкән номин һурвдгч конференц Ар Кавказин государственн техническ университетд болв.

Ода эн болн талдан чигн зәнгсин тускар тодрхаһар. Эндр Хальмг танһчин олн-әмтнә хуралын дарани биш һучн дөрвдгч сессин сүүр болв. Депутатнр ут-тоодан арвн негн төр хәләһәд, ирлцнһү тогтавр батлж авв.

Эндр территориальн сунһлһна комиссьмудын ахлачнр Әрәсән Государственн Думин депутатнрин сунһлһна бюллетень авв. Болв шинкн барлгдсн бюллетеньд сольвр орулгдв.

Эндр Бурхн Багшин әрүн шәрл танһчин райодт күрх. Дәкәд нег тодлад келхлә, эн әрүн шүтәг Хальмг танһчд Шри Ланкин орн-нутгас авч ирв.

Спортын туск дәкәд нег зәнг. Элст балһснд художественн гимнастикин танһчин секәтә марһан болв. Энүнд Аһш, Ставрополь, Краснодар болн Элст балһсдын зун һучн уйн наста спортсменк билг-эрдмән үзүлв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балһснд оютнрин тосхлтын отрядмудын ветеранмудын түрүн ик хург болв.

Хамгин билгтә, хамгин чанһ-чиирг. Иим нер зүүхин төлә Элст балһсна баһ наста өрк-бүлмүд дөрлдв. Бичкдүдин үүдәлтин бәәшнгд хотл балһсна мэрийн эрдм-сурһулин заллтин бүрдәсн дөрлдән болв.

Һарцин чилгчәр спортын туск зәнг. Танһчин бичкдүдин спортын школын түрүн директор Вил Номинхановин санлд нерәдгдсн настольн теннисн марһана аш эндр диглгдв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Машидын техническ хәләвр шин закаһар күцәгдх. Тарифмудын федеральн церглт техническ хәләврин мөнгнә кемжә тогтав. Эн кемжән урдк тарифас икәр сольгдшго.

Хальмг танһчин толһач Алексей Орлов көдлмшин кергәр Сарпинск районд хойр өдрәр одсн бәәнә.Эндр Садовое селәнд дошкольн шин учреждень секлһнә байрт Алексей Орлов орлцв. Хуучн гериг тосхачнр шинрүлж ясв.

Эн жил Элст балһсна хөрн хойрдгч тойгта бичкдүдин садын коллектив балһсна марһанд диилвр бәрв. Иим күндтә нер зүүхд маднд бахмжта болна гиж садын көдләчнр келнә.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Хар Һазра районд малын төлә һәәхүлин комплекс тосхгдв. Энүг австралийск тосхлтын эв-арһар бәрв.

Хальмг танһчин зарһин приставмуд маши залачнрас өринь некж авхин төлә долан хонг болһн бүртклһ кенә. Энүнә йовудт машид олар гүүдг Элстин хаалһст һурвн зун автомобиль зогсагдад, өртә улс илткгдв.