Эндр Әрәсәд дорт-дундын кергүдин органмудын көдләчнрин байр темдглгджәнә. Элст балһснд эндр өрүн Хальмгин зөв-йосна органмудын элчнр, тер тоод ОМОН-на, ДПС-ин болн талдан чигн МВД-н әнгсин көдләчнр байрин зергләнд зогсв.

Хальмгин билгтнр Краснодарск крайин Сочи балһснд болсн арвн негдгч нарта-делкән фестиваль-марһанд орлцв. Эн керг-үүлдвриг «Мана иргч» нерәдлһтәбуйнч седклин са3г бүрдәж давулв. Мана танһчин көвүд-күүкд энүнд сән күцәмж бәрв.

Хальмг Танһчд Кларкин университетин профессор Ройс Андерсон ирв. Магистратск программ күцәхин төләпрофессор хальмгин университетла нөкцлт күцәх саната. Энүнләхамдан Астраханск университетин әрәсән болн американск программин директор Инна Ахунджанова ирв.

Ноябрь сард шин театральн сезон эклнә. Энүг хәләһәчнр тенкән уга гидгәр күләнә. Эн жил Хальмгин келн-улсин драмин театр үүдәлтин шин хаалһд оржана.

Эндр өрүн арвн часас авн арвн хойр час күртл Әрәсән юристнрин ниицәнә цугәрәсән олна организацин региональн әнг танһчин улсин төләөнгәр юридическ цәәлһвр өгв.

Ноябрин хщрн дщрвн күртл мана танһчд садв гем илткхин төлә флюорографическ шинжлт кегджәнә. Энүнд цуг әмтн шинжлтд орж чадх. Эн керг-үүлдврин программар танһчин селәдт шишлнг оборудованьта машин йовх.

Йиртмжд му тенгрин бәәдл уга гиж дуунд келгднә. Тер бийнь генткн киитн болснас көлтә, олн әмтн үүмәд бәәв. Танһчин зәрм улс үвлин дулан хувц хулдад авад уга бәәж.

Эндр хотл балһсна мэрийд Элст балһсна мэрин, Элст балһсна хургин ахлачин үүлд Эрдни Шогджиев орлһна байрин керг-үүлдвр болв. Эрдни Шогджиев цуглрсн улсин чирәд андһар өгв.

Района эрүл-менд харлһна халх шинрүлһнә төлә хөрн нәәмн сай арслнг йилһж өггджәнә. Иим ик мөнгн федеральн бюджетас түрүн болж ирх.

Үстин района Цаһан Амн селәнд арвн негн өрк-бүл хуучн олн давхрта гермүдәс шин бүүрт нүүж орв. Эдн федеральн программар тосхгдсн шин герт бәәршлх.

Давсн амрлһна өдрмүдт Көтчнр селәнд церглж йовад әмнәсн хаһцсн зөв-йосна органа көдләч Владимир Манджиевин санлд нерәдгдсн вольн янзар бөк бәрлдлһнә марһан болв.

Элст балһснд «В семье единой» нертә хазгудын сойлын танһчин һурвдгч фестиваль болв. Эн керг-үүлдвр олн-әмтнә негдлтин байрт нерәдгдв. Элстин цутхлнг хурлын гелнгүд болн владыка Зиновий цуглрсн улсиг йөрәв.

Эн өдрмүдт Яшкульск района Кировский СПК — н көдләчнр эдл-ахун жирн жилин өончта өөнән темдглжәнә. Кесг жилин туршарт эн племзавод сән үзмж бәрәд, Әрәсәд нүүрлгч орм эзлжәнә.

Ноябрин зурһанд мана танһчд хальмгин олн-әмтнә бичәч Санһжин Босян ончта өөн темдглгдх. Эн жил билгтә бичәч йирн нас зүүх бәәсмн. Өөнд нерәдгдсн керг-үүлдврмүд танһчин цуг райодт болжана.

Элст балһснд сунһврин зөвин төрмүдәр болсн танһчин олимпиад төгсв. Энүг танһчин сунһлһна комиссь болн Хальмгин эрдм-сурһулин, номин болн сойлын министерств бүрдәж давулв.