Көтчнрә района “Инглян” нертә ансамбль йилһән сән бичкдүдин коллективин нер зүүжәнә

Көтчнрә района “Инглян” нертә ансамбль бичкдүдин йилһән сән коллективин нер зүүжәнә. Иим нерн эднд Әрәсән эрдм-сурһулин министрин закврар зүүлһгдв. Эннь ансамблин арвн тавдгч өөнд сән белг болв. Эн жилмүдт билгтә көвүд-күүкд олн-зүсн Әрәсән болн нарта-делкән марһаст орлцад, сән үзмж бәрв.

Хальмг Танһчин ачта көдләч Анатолий Мацаков ут турштан 15 жилдән «Ингилян» — ансамблиг һарджана. Эн цагин эргцд һардач кедү бичкдүдиг сән кевәр дуулдг, биилдг чигн дасхсн болх. Бичкдүдлә хамдан олн зүсн фестивальд, маарһанд орлцад, эврәннь орн-нутгин чигн сән һазр үзәд , билг эрдмәрн олн улсиг байрлв. «Ингилән» ансамблиг чиләсн баһчуд кесгнь эндр өдр Санкт-Петербургин, Москван, Аһшин, Әәдрхнә театральн сурһульд орв. Талдан балһснд сурһуль сурв чигн баһчуд эврәәнь һардачан мартхш, дангин ирж ханлтан өргнә.

С

үл жилмүдт бичкдүд гимназин уул деер көдлжәнә, энүнд олн жилдән цуглурсн йовсн видеоматериал, зургуд хадһлгджана. Долан хонгин өдрмүдт көвүд күүкд хойр дәкж көвүд күүкд кичәлмүдин хөөн репетицдән ирнә.Дууна марһанд орлцсн күүкд — көвүд дангин сәәнәр билгән үзүлнә-эн эднә һардачин нилч болжана гиж келхлә буру болшго, эдн өдр эднәс кесгнь олн зүсн фестивальмудн дипломантнр болв.

Репетицтән ирсн баһчуд медсн дууһан чигн давтна, шин дуд чигн дасхна, сүл жилмүдт баһчуд төрскн келәрн ду дуулхдан дурта-гиж һардаж келнә, эндр өдр келән мууһар медв чигн баһчуд дууһарн дамжулад мана өвкнриннь авг бәрцлә, авьяс заншалла таньлдна.

Эндр өдр мана Хальмг Танһчд билгтә улс олн — эднә дунд баһчуд -һоллгч орм эзлнә, тегәд мана баһчуд цаган сергмжтәһәр давулхин төләд олн зүсн шишлн ансамбльмүдт орад, эврәннь билг —эрдмән үзүләд, бичкн одд кевтә гилвкәд, танһчиннь нерән һолд туурулх зөвтә. Эн жил «Ингилян» ансамблин баһчуд һардачла хамдан «Көгжм -олна төлә» гидг нерәдллһтә шин дууна диск һарһх саната.

Аджин Светлана, Жамбин Дмитрий