Декабрин 4 болх Әрәсән ГосДумин сунһврт Элст балһснд тәвн сунһлһна участк көдлх

Декабрин дөрвнд болх Әрәсән Государственн Думин сунһврт Элст балһснд тәвн сунһлһна участк көдлх. Ода балһсна территориальн сунһлһна комиссь бүрдәмжин көдлмш күцәжәнә. Участкудт тииз, кергтә документ болн методическ литератур түгәж өггджәнә. Энүнд участкин комиссин зөвин болн дааврин тускар бичәтә. Тер мет хотл балһснд нүднә харань му улс кандидатнрла таньлдхин болн дууһан өглһнә төлә тавн шишлнг участк көдлжәнә. Иим улсин төлә шишлнг стендмудт ик үзгәр кергтә зәнг бичгдв. Эднә төлә участкс негдгч тойгта искусствин школын герт, бичкдүдин үүдәлтин бәәшнгд, сойлын герт, Октябрь кинотеатрт болн орсин келн-улсин гимназьд бәәршлжәнә. Хотл балһснд темдглж эс бичгдсн улс медицинск колледжд бәәх арвн тавдгч тойгта участкт дууһан өгч чадх.