Эндр Хальмг танһчин өк бәрлдлһнә академьд Тул Балдашиновин санлд нерәдгдсн греко-римск янзар бөк бәрлдлһнә цугәрәсән марһан эклв.

Хальмг танчин сунһлһна комиссьмүд полицин көдләчнрин чанһ бүртклһнд бәәнә. Энүнә тускар танһчин дотр-дундын кергүдин министр Баатр Гиндеев зәнглв. Зөв-йосна органмудын көдләчнр болн кинологуд әәмшг учрах предметмүд олж авсн уга.

Ода эн болн талдан чигн зәнгсин тускар тодрхаһар.

Элст балһснд үдин хөөн Арбат талвнгд «Нет СПИДу» нертә керг-үүлдвр болв. Волонтермуд болн керг-үүлдврин бүрдәһәчнр ВИЧ-инфекцла ноолда чанһалһна тускар келж өгв.

Иргч сунһврт мана танһчд арвн дөрвн территориальн болн хойр зун тәвн һурвн участкин сунһлһна комиссь көдлмшт белн болв. Энүнә тускар танһчин сунһлһна комиссин ахлач Александр Дикалов зәнглв.

Эн жилин чилгч күртл улсиг көдлмшәр тетклһнә агентсв дәкәд чигн иим улст көдлмш олж өгх зурата. Эн амр биш төрин тускар мана зәнгч Ээнән Ольга келжәнә.

Хар Һазра района Первомайский СПК шин пекарнь эдлврт орулв. Нег сардан энд арвн тонн өдмг болһж һарһжана. Шин производств көдлснә хөөн, селәнә әмтн өдмгәр күцц теткгджәнә.

Һарцан цаарандан өгчәнәвидн. Баһ наста өрк-бүлмүдиг бәәдг гермүдәр тетклһнә программар Көтчнрә района Алцнһуд селәнд нәәмн өрк-бүл шин бүүрт нүүж орв. Федеральн программар поселкин һардвр хойр шин гер тосхв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Эн сурһулин жиләс авн Хальмг Деед сурһульд журналистикин шин эрдмин әнг секгдв.

Эндр Көтчнрә районд мах эд-бод кедг комплекс тосхлһна эклцд нерәдгдсн байрин керг-үүлдвр болв. Шин тосхлтын һазр әрүслгдх, обьектын улд санлын капсул тәвгдв. Комплекс тосхлһна төлә тавн жува арслнг йилһж өггдв.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балһсна бичкдүдин нег социальн учреждень октябрь сарас авн государственн чинртәһәр көдлжәнә. Эн социальн приют бичкдүдин болн баһчудын төлә секгдсмн.

Көтчнрә района Алцнһуд селәнд шин фельдшерск пункт байрин бәәдлд секгдв. Удл уга энүнд эмнүл авч болх. Лабораторьт болн тәрлһ кедг кабинетд өдгә цагин некврлә ирлцәтә оборудовань углж тәвгдв.

Ода эн болн талдан чигн зәнгсин тускар тодрхаһар. Эндр Троицкое селәнд бичкдүдин төлә олн халхта спортын плошадк байрин бәәдлд секгдв.

Ода сойлын туск зәнг. Хөрн тавн жилин туршарт Хальмгин нертә артистк Зоя Хонхолджинова кесг соньн дүрмүд наадад, эврәннь хәләһәчнрән байрлулв. Наадһасин театрт тәвсн наадд бичкдүдт икәр таасгдна.

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балһсна арвн хойрдгч тойгта школд Жанһрин ачнр нертә танһчин фольклорн-этнографическ марһана балһсна девснг болв.