Эндр Советск Союзин Герой, олн-әмтнә генерал Баснг Городовиковин төрсн өдр
Эндр Советск Союзин Герой, олн-әмтнә генерал Баснг Городовиковин төрсн өдр. Эн күн мана танһчин босхмжд болн цецгәрлтд аһу ик тәвцән орулсн күн болжана. Төрскән харсгч дәәнд орлцад, баатр-зөрмг кеәвр дәәлдсмн. Баснг Городовиковин һарджасн дивизь түрүн болж Германя межәд һарсмн. Хальмгин хәәртә үрнә, тоомсрта күүнә тускар мана сюжетд келгджәнә.
Ростовск областин Пролетарск района Мокрая Ельмута күүтрт давсн зун жилин эклцәр олн үртә Городовиковихна өрк-бүл бәәршлсмн. Арвн негн үрнәс Баснг зурһадгч көвүн билә. Энүнә ханр-дүүнрнь нилх цагтан хорж одв. Эк-эцкдән зуг Баснг көвүн үлдж. СНХ Энүнлә хамдан сурч йовсн Петр Скиридовин келсәр, бидн хам-хоша бәәләвидн. Баснг школдан йилһән сәәнәр сурдг билә. Хамдан школд оддг биләвидн.
Хөрдгч жилд эцкнь болн дарунь экнь сәәһән хәәхлә, Баснг эврән көл деерән чанһар ишкх зөвтә болв. Тегәд чигн эврәннь эдл-аху босхж авла. Энүнә авһнь Ока Иванович Городовиков Баснгин билгиг цаглань темдгләд, кавалерийск школд сурх селвг өгсмн. Эн цагас авн өнчн Баснг Городовиковин цергә хаалһ эклсмн. Улан цергт хөрн доладгч жиләс авн церглв. , учн нәәмдч жилд Фрунзен нертә цергә академь төгсәв. Төрскән харсгч дән эклсн цагт Крымск фронтд подполковник Городовиков полк һардж йовла. Энүнә һарджасн зун найн дөрвдгч Духовшинск дивизь дөчн дөрвдгч жилин август сард СССР-ин государственн межәд һарад, гитлеровск Германьд орсмн. Баатр-зөрмг кевәр дәәлдсн төләд, Советск Союзин Героийн нер зүүв. Хальмгин автономн республик һардсн цагт энүг урдк кеәвр мана генерал гиж нерәддг билә. Хальмг танһчин босхмжд ик тәвцән орулв. Энүг олн әмтнә цаһан седклтә болн һольшг күн гиж тодлна. Ик Буурла школын багш Зинаида Сарунован келсәр, нег дәкж нәәж күүктәһән автобусас хоцрад, Ик Буурл селәнд күрч арһ тасрв. Хаалһд йовдсн маши күләв. Цуг давж һарсн машидас зуг Городовиковин машин зогсв. СНХ Ик Буурла эклц школын багш Зинаида Сарунован келсәр, Городовиковин машин зогсад, машинас Баснг Бадьминович һарч ирәд, мендлв. Мадниг Ик-Буурл селәнд күргв.
Ода Зинаида Сарунова эврәннь сурһульчнртан эн күүнә тускар бүләг үгмүд келж өгнә. Олн-әмтнә генерал олн сә хәәһәд, чидлән нөөлго көдләд, танһчин цецгәрлтд ик тәвәцн орулсн күн гиж келж өгнә.
