Һарцин чилгчәр спортын туск зәнг. Элстин педагогическ колледжд дундын школмудын уйн наста көвүд-күүкд дунд гирь өрглһнә марһан болв. Көвүд гирь өрглһнә хойр дасхлар дииләчән йилһв.

Эндр христианск литәр рождественск пост эклв. Б-З: Кесг өдртән жилд бәрдг иим сүл мацг болжана. Эн саамд православн шажнд шүттг улс дөчн хонгтан мацг бәрнә. Энүг Великий пост гиж нерәднә.

Ода эн болн талдан чигн зәнгсин тускар тодрхаһар. КАИБ нертә комплекс Хальмг танһчд көдлх. Иргч нарн өдр сунһвр болсн цагт мана танһчин сунһачнр дууһан өглһнә шин техник яһж көдлдгинь үзх.

Ода сойлын туск зәнг. Драмин болн шог наадна танһчин орсин театр шин театральн сезоһан шин наадар эклжәнә.

ЖКХ-н халх шинрүлһнд дөн күргдг санг цаарандан чигн көдлх. Дөрвн жил хооран бүрдәгдсн санг хойр минһн арвн тавдгч жил күртл көдлхмн. Энүнә тускар президент Дмитрий Медведев зәнглв.

Экнр эврәннь үрдүдән өскж, сән сурһмж өгәд, жирһлин чик хаалһд орулхар шунна. Тегәд чигн шангин халхас экнрт сән дөн кергтә болжана.

Ода эн болн талдан чигн зәнгсин тускар тодрхаһар. Эндр премьер-министр Людмила Иванован һардврта Хальмг танһчин правительствин дарани сүүр болв. Энүнд тавн төр хәләгдв.

Эндр танһчин бичкүдин гер-интернатын көвүд-күүкдт наадһас белглв. «Закон, справедливость и милосердие» нертә буйнч секдлин санг эднд олн-зүсн наадһас, машинкс белглв. Одахн сангин филиал Хальмг танһчд секгдв.

Эндр Хальмг танһчин хамгин сән журналистнрт танһчин толһачин, правительствин болн журналистнрин ниицәнә ачлвр бәрүлж өггдв.

Эрна Самохвалован патьриг олн-зүсн ке-сәәхн кегдлмүд кеерүлжәнә. Тер тоод йиртмжин зургуд, орсин келн-улсин туульсар зурсн үүдәврмүд, орсин православн чонж, әрүн улсин шүтә үзж болх.

Хальмг келнә төр өдгә цагт онц орм эзлжәнә. Төрскн келән делгрүлхин төлә кесг керг-үүлдврмүд, сурһулин программс бүрдәгдсн бәәнә.

Эндр Элст балһсна хургин дарани биш сессин сүүр болв. Энүнд депутатнр арвн төр хәләв, тер тоод алвна, һазрин төрмүдәр тодрха күүндвр кегдв.

Хальмгин университетин хойрдгч курсын оют Баатр Каруев Санкт-Петербург балһснд оютнр дунд болсн греко-римск янзар бөк бәрлдлһнә Әрәсән чемпионатд диилвр бәрв.

Төрскән харсгч дәәнә цагт Дорд үзгин Пруссьт немшин бәрәнд әмнәсн хацһсн салдс Михаил Муклиновин элгн-саднь олдв. Энүнә өөрхн элгн-садн күүкд күн Гиляна Мокликова цуг кергтә документар герч кев.

Күндтә донормудт өгдг мөнгнә нег жилин кемжән арвн минһн арслнгд күрх. Энүнә тускар Госдумин депутатнр зака батлж авв. Шин закан иргч жилин январин нег шинәс авн үүлдврт орх зөвтә.