Танһчин инвалидмудын зөв харслһна болн эднә хурц төрмүдиг хаһлһна тускар төгрг ширән сүүр эндр болв. Энүнә ашар инвалидмудын зөв харслһна систем ясрулһна тускар селвгүд батлгдв.

Эндр Әрәсән казначейств тогтасн өдр. Өдгә цагт бюджет күцәлһнд казначейск систем сән кевәр дөн болжахнь Хальмгин региональн заллт герчлжәнә.

Елена Манджиева эврәннь зургудан олн-зүсн керг уга юм олзлж үүдәнә, тер тоод цаас, пластилин, кенчрин тасрха, хуучн кеерүл, утц олзлна. Нег үлү, энүнә шүүж авсн эрдм көдлмштнь дөн болжана.

Шин жилин байр күртл һурвн долан хонг үлдв. Энүнд белдвр кехин төлә цаг бәәнә. Болв хамгин дурта байран яһж тосхин тускар оданас авн ухалх кергтә.

Ода Хальмг танһчин әмтн сарматмудын алтиг эврәннь нүдәрн үзж чадх. Элст балһснд түрүн болж өвәрц һәәхүл секгдв. Энүг Астраханск музей-заповедникас авч ирв.

Эрдм-сурһулин халх шинрүлһнә таалд баһ наста специалистнриг сурһлһна төрәр бүрдәгдсн конференц көдлмшән цаарандан кев. Энүнд Элст балһсна дошкольн эрдм-сурһулин учрежденьсин көдләчнр орлцв. Конференцин түрүн өдр мастер-классмуд, дамшлтын кичәл болв.

Эндр танһчин бичкдүдин больницд зураһар темдглсн түрүн хойр операц кегдв. Роспотребнадзорин шиидврәр, бичкдүдин больницд өдгә цагин некврлә ирлцәтә таал уга болад операц кех зөвшәл өггдсн уга.

Хальмг танһчд удл уга эрүл-менд харлһна халх шинрүлһнә программин һурвн девснгин негнь экләд күцәгдх. Эн саамд меди цинск учрежденьст зәнглһнә эв-арһ шинрүлгдхмн.

Элст балһсна хөрн негдгч тойгта школын арвн негдгч классин сурһульчнр «Я — гражданин России» нертә социальн төсвин цугәрәсән керг-үүлдврт орлцад, түрүн орм эзлв. Энүнд Әрәсән хөрн команд ирж дөрлдв.

Әрәсән болн Китдин хоорнд эрдм-сурһулин болн сойлын хәрлцә делгрүлһн. Китдин долан хонгт нерәдгдсн керг-үүлдвр Хальмгин государственн университетд эклв.

Элстин һурвдгч микрорайона арвн һурвдгч тойгта герин әмтн залврин компаня му көдлмшин тускар прокуратурт эрлһ орулж өгв. Буревестник нертә негдлтин күргжәх туслмж му гиж эдн бичв.

Хальмг танһчар федеральн казначействин заллтин һардвр эврәннь көдләчнрин хальмг келнә медрлиг бүрткж медж авв. Энд болсн төрскен келнә сурһулин хөөн, ашлгч марһан болв.

Элст балһснд долан минһдгч һазадын орна паспорт байрин бәәдлд бәрүлж өггдв. Урднь олн улс иим паспорт авад уга бәәсмн. Долан минһдгч паспорт авсн күүнд эн документ байрин бәәдлд бәрүлж өггдвһ.

Хальмг Танһчин келн-улсин музейин әнгд цаажла харһсн улст нерәдгдсн өвәрц һәәхүл секгдв. Энүнд сталинск цаажла харһад, күзүцә зовлнг үзсн келн-улст нерәдгдсн үүдәврмүд үзж болх.

Әрәсән орн-нутгин Хүүвин депутатнрин сунһвр болв. Ода сунһлһна протоколмудын йирн нәәмн процентнь тоолгдв. Урдаснь кесн то-дигәр, Хальмг Танһчд цуг сунһачнрас сунһврт жирн һурвн процентнь орлцв.