Әврәннь зөвән яһж харсхмб? Энүнә тускар альдаран одхмб? Элст балһсна негдгч микрорайона нег обшежитин бәәрн улсиг иим хурц төр үүмүлжәнә. Электрокүчнә залһлданд эвдрлт учрад, сунһуг шатв.

Эндр Хальмг танһчин антинаркотическ комиссин дарани сүүр болв.

Элст балһснд хотл балһсна хургин дарани сүүр болв. Депутатнр ут-тоодан арвн тавн төрәр күүндвр кеж, ирлцнһү шиидврмүд батлж авв. Сүүрт эн жилин бюджетд сольвр орулгдв.

Көтчнр селәнд бәәх урн һарта күүкд күн Лариса Бураеван гериг олн-зүсн ке-сәәхн кегдлмүд кеерүлжәнә, тер тоод олн-зүсн шовуд, дельфинмуд, цецгүд йоста кеерүл болжана. Хатхмр эрдмиг бчикн цагасн авн дасж авч.

Шин жиләс авн бичкдүдтә өрк-бүлмүдт алвна хаслтын кемжән икдх. Энүнә төлә алвна кодекст сольвр орулгдв. Урднь жалвас нег минһн арслнг хасгдад, үлдснь мөнгнәс арвн һурвн процент алвн авгддг билә.

Иргч хойр минһн аврн хойрдгч жилин Әрәсән президентин сунһврт Хальмг танһч белджәнә. Январин арвн һурвн күртл танһчин сунһлһна комиссин көдләчнр сунһлһна участкуд тогтах зөвтә.

Хальмг танһчин дәкәд тәвн олн үртә өрк-бүл һазрин участк авцхав. Бәәдг гер бәрхин төлә өнгәр һазрин участк авх документ эднд эндр байрин бәәдлд бәрүлж өгв.

Шин жилин байрин өмн өргнд хальмг танһчин пенсионермудт пенсьн болзгас урдаснь өггдх гиж мана танһчин пенсион санг зәнглжәнә.

Хальмг танһчар Әрәсән МЧС-ин баһ кермсин государственн инспекцин көдләчнрин зәнглсәр үвлин кемд дулан өдрмүд тогтснас көлтә, усна боодгут болн һолмудт саг бәәх кергтә. Мөсн дулан кемд дарунь хәәлжәнә.

Жил ирвәс хальмгин государственн университетд өрк-бүлтә оютнрин то өсәд йовна. Тегәд деед сурһулин һардачнр эднәтөрмүдиг хаһлх зөвтәболжана.

Шин жилд шин бүүрт орх. Бичкдүдин садын хуучн гер шинрүлж ясгджана. Көтчнр селәнд бәәх ор һанцхн дошкольн учрежденьд садт орх цуг бичкдүдиг орулж авч чаджахш.

Иргч жиләс авн коммунальн туслжмин кемжән сольгдх. Шин зокалар әмтн усна, газин, электрокүчнә болн талдан чигн туслмжин мөнгиг салу өгх. Онц патьрин болн цуг герин туслжмин мөнгиг салу өгх кергтә.

Шин жилин өмн өргнд Элст балһсна уульнцд ирлцнһү зөвшәл угаһар олн улс энд-тенд мах хулджахнь үзгднә. Эдн базрин үнәс продукцан кимдәр хулджана.

Эндр коррупцла ноолда келһнә нарта-делкән өдр. Эн өдр темдглх шиидвр хойр минһн һурвдгч жилд ООН-на Генеральн ассамблей батлж авсмн. Нарта-делкән чинртә шин документд зун государствин элчнр һаран тәвв.

Эрдм-сурһулин халхд шинрүлһн кегдх. Иим хүврлт сән ашта болхий аль угай? Эн төр Ик-Буурла района улсиг үүмүлжәнә. Иргч жилин январин нег шинәс авн бичкдүдин искусствин школыг үүдәлтин герлә негдүлх.