24 ноября 2011, 19:59
Эндр танһчин бичкүдин гер-интернатын көвүд-күүкдт наадһас белглв
Эндр танһчин бичкүдин гер-интернатын көвүд-күүкдт наадһас белглв. «Закон, справедливость и милосердие» нертә буйнч секдлин санг эднд олн-зүсн наадһас, машинкс белглв. Одахн сангин филиал Хальмг танһчд секгдв. Сангин президентын темдглсәр, эндр керг-үүлдвр сән зангшалд тохрх зөвтә. Эн организацин үүлдврин һол күцлнь — бичкдүдиг харслһн болн баһ тетквртә улст дөн күрглһн болжана.
Иргч өдр, ноябрин хөрн доланд арвн час хөрн минутла Вести-Калмыкия События недели программ хәләтн. Мана зәнгчнр болн Дмитрий Ивахненко давжах долан хонгт мана танһчд учрсн һол йовдлмудын тускар дәкәд нег сергәж келж өгх. Ашлгч программин һол төрмүдин тускар ахрар.
