Хальмгудын шин жилд нерәдгдсн мана келн-улсин авьсар бүс бәрлдәд ноолдлһна марһан Элст балһснд болв. Энүнд зу һар күн орлцв. Байрин өдр күн болһн чидлән сөрж чадв.

Эндр «Ростелекомин» хальмгин филиал давжах жилин көдлмшин аш диглв. Өдгә цагт широкополсн интернет тархалһна зөрүлт хамгин һол керг болжана.

Шин жилин байр күртл арвн хонг үлдсн бийнь елкс болн харһа модн олар хулдгджана. Тегәд гертән байрин өдрмүдт елк хулдж авад кеерүлх цаг ода чигн бәәнә.

Эндр Хальмг танһчин Пенсионн сангд региональн болн райодын журналистнрин төлә пресс-конференц болв. Эн күүндр видеозалһлдана эв-арһар Пенсион сангин һардвр орлцата болв.

Лагань балһснд хуучн герт бәәх тәвн хойр күн шин хөрн патьрта герт нүүж орхар хойр жилдән күләжәнә. Эн жилин декабрин нег шинд тосхлтын организац шин гериг эдлврт орулх зөвтә бәәсмн.

Городовиковск бичкүдин герт зургудын соньн фестиваль болв.

Лагань балһснд дәкәд нег байр болв. Көк тенгсин һолын көвәд бәәх балһснд шин чонж байрин бәәдлд секгдв. Келхд, эн байрта йовдлыг православн әмтн арвн жилдән күләжәсмн.

Эндр Бурхн Багшин алтн сүмд «Зунква гегәнд нег минһн өргц» нерәдлһтә байрин ик мөргүл болв. Энүнд элстихн болн райодын әмтн ирж орлцв.

Эндр хальмг улс Зулын байр темдглжәнә. Тогтсн авьясар уул зангшал мана танһчд сергәж босхгдад, хальмг улсин өрк-бүл болһнд зул өрггднә.

Хальмг танһчин келн-улсин театрт Баснга Баатрин бичсн пьесар тәвгдсн “О, Чуучя, Чуучя” наадн олн хәләһәчнрт таасгдх зөвтә.

«Ицл бәәнә». Эврә дурар үүлдг бичкдүдин художественн коллективмудын иим нертә марһан Элст балһснд болв. Концерт жил болһн бүрдәгдж давулгдна. Эн жил эүнүд долан зун бичкдүд орлцв.

Эндр танһчин больницин консультативн-диагностическ әнгд гемтә улс экләд шинжлһнд орж чадв.

Эндр Росфиннадзорин танһчин заллтд болсн селвлцәнд давжах жилин көдлмшин аш диглгдв. Росфиннадзорин системд мана танһчин территориальн орган Әрәсәд доладгч ормд йовна гиж сүүрт келгдв.

Эн өдрмүдт Хальмг танһчин Пальмовин нертә келн-улсин музейд гөрәснд нерәдгдсн кичәлмүд болжана. Өвәрц гөрәсн мана танһчин у-өргн теегин йоста кеерүл болн бахмж болжана. Музейд энүнд бүкл экспозиц нерәдгдв.

Иргч хойр минһн арвн хойрдгч жил високосн жил болжана. Юлий Цезарин тогтасн юлианск литәр жил һурвн зун жирн тавн өдрәс тогтна. Дөрвдгч жилд болхла һурвн зун жирн зурһан өдр орна.