Эн долан хонгт танһчин театрмудын артистнрт көдлмш дала. Бичкдүдин шин жилин нәр-наадна болн корпоративн нәр болжасн гүргүд эдн театрт көдлә бәәж, иим нәр-наад үзүлжәнә.

Эндр декабрин хөрн доланд Әрәсән харсачнрин сән өдр. Эн халхин көдләчнриг Хальмг танһчин толһач Алексей Орлов йөрәжәнә. Энүнә йөрәлд иигж келгджәнә. Тана көдлмш жанһрта болн күнд.

Нег минһн нәәмн зун арвн хойрдгч жилин дәәнд хальмгуд орлцсна тускар Хальмг танһчин номтнр кесг шинжлт кесмн. Иргч жилд Наполеонла болсн дәәнд диилвр бәрснә хойр зун жилин ончта өөн күцх.

Иргч жилин январин нег шинәс авн хальмг танһчд шин закан үүлдх. Эн закаһар һурвн болн энүнәс үлү үр өскжәх өрк-бүлмүдт тәвн минһн арслнг экин региональн капитал өггдх.

Шин жилин байр елк угаһар давхш. Эндр өдрәс авн школмудт байрин нәр-наадн эклв. Бичкдүдиг сергмжтә байрла Киитн Аав болн энүнә ач күүкн йөрәжәнә.Элстин улсин зәрмнь кинотеатрт шог наад хәләхдән дурта.

Элст балһснд «Мана ицл» нертә билгтә бичкдүдин хург болв. Энүнд арвн нәәмдгч школын сурһульчнриг эн керг-үүлдврин йовудт күндлв.

Иргч жилд электрокүчнә тарифмуд зуг зурһан процентд өсх, газ болхла арвн тавн процентд үнтәрх. Энүнә тускар эндр танһчин правительсвтин сүл сүүрт тодрхаһар келгдв.

Эндр Хальмг танһчин олн-әмтнә хуралын һучн тавдгч сессин дарани сүүр болв. Эн жилд болх сүл сүүрт депутатнр хөрн тавн төр хәләж, ирлцнһү тогтавр батлж авв.

Католическ шажнд шүттг улс удл уга Христосин төрж мендлсн өдр темдглх. Декабрин хөрн дөрвнд асхлад тенгрт Рождественск од һархинь моһлцг һазр деер күсдундур жува күн күләжәнә.

Элст балһснд Хальмг танһчин толһачин медлд үүлджәх оютнрин хүүвин сүүр болв. Энүнд деед сурһулин болн дунд эрдмин заведеньсин оютнрин хүүвин ахлачнр, баһчудын организацсин элчнр орлцв.

Элст балһснд сө хөрн һурвн часас хооран әрк-чаһр хулдсна йовдл илткгдв. Дәкән нег тодлад келхлә, сөөһәр арвн тавн градусас үлү әрк-чаһр Хальмг танһчд хулдх зөв уга.

Эндр Шунгаеван нертә Элст балһсна төрлһнә герин өөнд нерәдгдсн байрин керг-үүлдвр болв. Тәвн жилин туршарт эн медициснк учреждень Хальмг танһчин нүүрлгч заведеня тоод орв.

Хальмг Танһч интернетин аһу сәәнәр олзлжана. Удл уга мана танһчд ирхәр седсн улсин төлә, мана хальмг теегин тускар соньн тоот медж авхин төлә түрүн цәәлһврин дегтр һарһх.

«Шил жилд өрн угаһар орх» иим нертә хамцу керг-үүлдвр зарһин приставмудын болн алвна инспекцин көдләчнр давулв. Шидр гипермаркетд ирсн Элст балһсна бәәрн әмтн энүнд герч болв.

Элст балһсна һурвдгч микрорайонд бәәх олн давхрта шин герт нүүж орсн әмтн дегд удан байрлж чадсн уга. Шин бүүрт орсн улс шинкн мебелян тәвсн хөөн, эднә патьрмудт эвдрлт учрв.