Эндр христианск литәр рождественск пост эклв
Эндр христианск литәр рождественск пост эклв. Б-З: Кесг өдртән жилд бәрдг иим сүл мацг болжана. Эн саамд православн шажнд шүттг улс дөчн хонгтан мацг бәрнә. Энүг Великий пост гиж нерәднә. Отец Алексейин келсәр, Христосин төрж мендлснә өдр күртл православн цуг әмтн маань умшад, уха-санаһан цеврләд, эн өдрмүдт үснә зүүтә хот, өндг болн мах идхш. Отец Алексейин келсәр, иим авьясин һол чинрнь — зуг иим хот-хол идшго мацг биш. Эн өдрмүдт ухаһан чикләд, оюни сурһмжд ик оньг тусхаж, зальврх кергтә.
Давсн долан хонгт мана танһчд хаалһст арвн негн зеткртә йовдл учрв. Энүнә ашт хойр күн әмнәсн хаһцв, арвн йисн күн шавтв. Хальтрата хаалһд һурвн зеткртә йовдл учрв. Энүнәс көлтә долан күн шавтв, тер тоод бичкдүд шавтж. Машинд бичкдүдин шишлнг суудл уга болад, бичкдүд шав авч. Элст балһснд ноябрин хөрн зурһанд Чумудовихна залу-гергн хойр әмнәсн хаһцв. Соктуһар маши залж йовсн Яшкульск района бәәрн күн өрүн нәәмн час һучн минутла дегд түргәр гүүлгж йовад, өмнәснь йовж маши цокж. Энүнд йовсн хойр күн әмнәсн хаһцв.
