“Прорыв” нертә форумин дииләчнр “Достояние республики” нертә мөрәһәр ачлгдв. Эннь физическ культурин, спортын, туризмин, государственн баһчудын политикин халхар күцәсн көдлмшин аш диглһн болв.

Эндр Элст балһснд социальн болн күч-көлснә хәрлцәнә төрмүдәр үүлджәх танһчин һурвн халхта комиссин сүүр болв.

Дошкольн учрежденьст чеерүд баһрулһна төриг немр багмуд секж хаһлжана. Танһчин цуг райодт федеральн шишлнг программар садын гермүдт капитальн ясвр кегджәнә, шинрүлж яслһна көдлмш күцәгджәнә.

Шин жилин байр күртл долан өдр үлдв. Олн улсин хамгин дурта байр өөрдх дутм Әрәсән улс эврәннь герән кеерүлж, шин жилин байрин сергмжтәһәр тосхар зүткжәнә.

Бичкдүдин шин жилин байрин нәр-наадн эклв. Киитн Аав болн энүнә ач күүкнь орлцата бичкдүдин иим түрүн байр дистанционн эв-арһар сурчах көвүд-күүкдин төлә болв.

Концертн залд цергә эрдмин сән зангшалд тохрсн зурһадгч фестиваль болв. Энүнд арвн дөрвн спортивн федерацин элчнр орлцх. Иим керг-үүлдвр эн жили көдлмшин аш диглһн болв.

Хальмг улсин цаажла харһулсн һашута йовдлд нерәдгдж, Приютненск района Үлдчн селәнд мини-футбольн межрегиональн марһан болв. Энүнд арвн негн команд дииләчән йилһв.Приютненск района Үлдчн селәнә бәәрн улс гиичнриг тосхдан дурта.

Хальмг улсиг цаажла харһулсн далдгч жилин һашута өөнд нерәдгдсн танһчин школмудын сурһульчнрин харһлт болн һәәхүл секгдв.

Хальмг танһчд санлын тасм нертә керг-үүлдвр эклв. Шар тасм — хальмг улсин туужд учрсн һашута йовдлын, мана келн-улсин итклин болн негдлтин темдг болжана. Элст балһсна сурһульчнр әмтнд иим тасм түгәж өгв.

Эндр Хальмг танһчин олн-әмтнә хуралын ахлач Анатолий Козачко олна палатын гешүдлә харһлт кев. Энүнә ханиг парламентин тогтаврар батлв. Энүнд йисн күн орв.

Хальмг танһчин зун тәвн минһн күн эврәннь пенсин хоршулһна әнгин тускар ухалх зөвтә. Энүнә тускар Әрәсән президент федеральн зака батлж авв.

“Мир музея” нертә эрдм-сурһулин болн художественн программар баһ наста зурачнрин болн дизайнермудын төлә Пальмовин нертә келн-улсин музей “Арт-елка” нертә һәәхәүл-марһа бүрдәж давулжана.

Декабрин хөрн негнәс авн хөрн зурһан күртл танһчин толһач Алексей Орловин седвәрәр Санлын тасм нертә керг-үүлдвр бүрдәж давулгдх.

Негдгч класст орх бичкдүдин эк-эцкнрәс Әрәсәд эрлһн экләд орулж ачгджана. Иим эрлһ сурһулин заведеня медлд бәәх бәәрн һазрин аһуд бәәх улс орулж өгч чадх, эс гиж талдан школд орж болх.

Эндр Хальмг танһчин аһуһар “Ребенок-пассажир” нертә хаалһар әәмшг уга йовлһна арвн хонгин керг-үүлдвр эклжәнә. Эн керг-үүлдврин йовудт насни дигт күрәд уга бичкдүдиг машинд зөөлһнә зокал күцәлһнд онц оньг тусхагджана.