Оперативн-саглулгч керг-үүлдврин йовудт полицин көдләчнр нуувчар көдлжәсн наадлһан заведень илткв. Энүнд интернет залһлдана дөнгәр зака эвдж наадһлна үүлдвр күцәгджәсн бәәж.

Приютное селәнд әрүн Вера, Надежда, Любовь болн эднә София экд нерәдгдсн шин часовнь-чонж байрин бәәдлд секгдж әрүслгдв. Энүнд Элстин болн Хальмгин архиепископ Зиновий түрүн мөргүл күцәв.

Эндр мана региона аһуд “Безопасный маршрут” нерәдлһтә саглулгч керг-үүлдвр эклв. ГИБДД-н көдләчнр цуг автобусмудыг бүрткж хәләх. Онц оньг балһсд хоорнд йовдг автобусмудт тусхагдх. Иим керг-үүлдвр февралин хөрн нәәмн күртл болх.

Хальмг танһчин гидрометеоцутхлнгин зәнглсәр, январин хөрн нәәмнәс авн февралин нег шин күртл Хальмг танһчд бачм чинртә тенгрин бәәдл зарлгдв. Танһчин ар үзгин райодын ик аһуд киитн өдрмүд тогтх.

Синоптикүдин тааврар манһдур январь сард хамгин киитн өдр болх. Энүнәс көлтә эндр танһчин зәрм райодт эрдм-сурһулин заведеньс хаагдв.

“Здравстуйте, я ваша теша!” Иим нерәдлһтә наад Хальмг танһчин нертә режиссер Сергей Бурлаченко белджәнә. Драматург Сергей Беловин бичсн шог наадыг танһчин хәләһәчнр февралин нег шинд үзж чадх.

Хальмг танһчд догшн киитнәс көлтә бачм чинртә бәәдл зардгдв. Энүнәс көлтә машид йовдг хаалһс болн әмтн йовдг хаалһ мөств. Хаалһс мөстснәс көлтә Элст балһсна хаалһст зеткртә йовдлмуд учрв.

Күч-көлснә пенсин кемжән дундлад февралин нег шинәс авн зурһан зун жирн тавн арслнгд өсх. Энүнә тускар ирлцнһү тогтавр Әрәсән правительствин ахлач Дмитрий Медведев давсн баснг өдр батлж авв.

Эндр Хальмгин толһач Алексей Орлов танһчин райодын администрацин толһачнрла харһад күүндв. Энүнд бичкдүдин садмудт чеерүд баһрулна төлә ямаран көдлмш кегджәхин тускар чанһ күүндвр болв.

Эндр ЖКХ-н төрмүдәр цугәрәсән селекторн селвлцән болв. Энүнд мана орн-нутгин цуг субьектмуд — хуучн гермүдәс әмтн нүүлһнә программин орлцачнр орлцв.

Эндр Хальмг танһчин прокуратурин коллегин сүүр болв. Энүнд давсн жилин танһчин прокуратурин көдлмшин аш диглгдв.

Хальмгин университет Әрәсән арвн дөрвн деед сурһулин тоод Кадры для регионов нертә секәтә марһана дииләчин тоод орв. Иим марһан Әрәсән Президентин даалһврар бүрдәж давулгдв.

Эн жилин февралин нег шинәс авн автошколмудт сурһуль дасхлһна шин зокал орулгджана. Иим сольвр маши залдг зөв авхин төлә жолачнриг белдлһнә шин зокалла ирлцәтәһәр орулгдв.

Январин хөрн нәәмнәс авн февралин нег шин күртл танһчин гидрометеоцутхлнг бачм чинртә бәәдлин тускар саглулжана. Хальмгин синоптикүдин тааврар, мана региона ар үзгин райодт киитн өдрмүдт тогтх.

Эндр Әрәсән цергә туурмжин өдр. Эн өдр Ленинград балһсиг советск церг немшнрин бүслврәс бүклднь сулдхсмн. Бүслвриг бүклднь сулдхсна өдрт нерәдж дөчн дөрвдгч жилин январин хөрн доланд байрин салют кегдв.