Засг күцәлһнә негдгч тойгта колоньд прокуратур бүртклһ кесн цагт зака эвдсн йовдлмуд илткгдв.

Эндр декабрин арвн хойрла Әрәсән Конституцин өдр темдглгджәнә. Һол закан мана орн-нутгин зөв йосна системин ул болж, закана учр-утхинь медүлжәнә. Әрәсән Конституц — государствин демократическ делгрлтин ул болжана.

Эндр танһчин толһач Алексей Орловин һардврта танһчин антинаркотическ комиссин дарани сүүр болв. Энүнд нәәмн төрәр күүндвр кегдв.

Цаһан седкләсн кесн керг-үүлдвр оньдин сән ашта болна. Иим үгмүдин чинриг күн болһн сәәнәр медхш. Тегәд буйнч седклин керг-үүлдвр болһн бичкдүдт ик байр үүдәнә. Иигж Элст балһсна гер-интернатын көвүд-күүкд тоолжана.

Наркотикуд олзлһиг эрт илткж авлһна төлә шин федеральн закан үүлдвр орулгджана.

Эндр өдрәс авн Элст-Волгоград хоорндк федеральн хаалһр машид йовлһн зогсагдв. Хам-хоша бәәх регионас циклон ирснәс көлтә Волгоградск областьд тенгрин бәәдл муурв.

Удл уга Элстин хаалһст өнгәр олзлдг интернетта автобусмуд йовх. Эндр Хальмг танһчин толһач Алексей Орлов дөрвн шин “ПАЗ” автобусин түлкүр байрин бәәдлд бәрүлж өгв.

Иргч жилд олн үртә өрк-бүлмдүт өгсн һазрин участксин аһуд кергтә инженерн залһлдан тосхгдх. Энүнә тускар региона толһач Алексей Орлов танһчин правительствин сүүрт зәнглв.

Үвлин түрүн сарин арвн хонг давж одв. Шин жилин байр күртд хөрн хонг үлдв. Үвлин кем цасн орснас көлтә медгдв.

“Эрдмтә багш”. Иим нерәдлһтә эврә дурар үүлддг эрдмчнрин фестиваль болв. Энүнд хальмг келәр гертән соньн кегдлмүд талдан келн-улсин багшнр белдж авч ирв. Келхд, иим керг-үүлдвр хотл балһснд хойрдад бүрдәж давулгджана.

Вольн янзар бөк бәрлдлһнә цугәрәсән марһанд Хальмгин бөкнр долан алтн, йисн цаһан мөнгн медаль шүүж авв. Дөрлдән арвн чиннүрин категорьт болв.

Эндр “Центр” нертә залврин компаня һардач Юрий Очировин туск угловн керг зарһд экләд хәләгджәнә.

“Репрессированные, но не сломленные” нертә межрегиональн фестивалин программар Кабардино-Балкарин, Чечнян, Ингушетин болн Хальмг танһчин зурачнрин үүдәлтлә өөрхн таньлдж болх.

Хаалһд учрсн зеткртә йовдлын ашт һурвн күн әмнәсн хаһцв.

Эндр Элст балһснд “Репрессированные, но не сломленные” нертә межрегиональн фестиваль көдлмшән эклв. Эн керг-үүлдвр хальмг улсиг цаажлһа харһулсн далдгч жилин һашута өөнд нерәдгджәнә.