Хуучн тагтын ормд шин тосхгдх. Иим тосхлт Троицкое селәнә ар үзгт Булһн һолын көвәд күцәгджәнә. Хуучн тагт эвдрәд, энүгәр йовхд әәмшгтә болв. Иим тосхлт шишлнг программд орснас иштә кегджәнә.

Хальмг танһчин келн-улсин эрдм-сурһуль хөрн жилин өөнән темдглжәнә. Йирн һурвдгч жилд мана регионд хөрн дөрвн келн-улсин түрүн класс секгдсмн. Ода иим классмудын то кесг холванд өсв.

Сөөднь хәләвр уга йовна. Бичкдүд зака эвдсн йовдлмудын то сүл цагт өсв гиж МВД-н танһчин заллтин насни дигт күрәд уга бичкдүдин әнгин көдләчнр темдглв.

Эндр танһчин правительствин сүүр болв. Энүнд һурвн төр хәләгдх.

Лаганск районд байрта йовдл учрв. Көк тенгсин көвәд бәәх балһсна олн давхрта гермүдин әздүд өдгә цагин техникин болн оборудованя нилчәр түргн интернет олзлж чадх болн Айпи телевидень хәләж чадхмн.

Эндр өдрт газ орулһна көдлмш Көтчнрә района һурвн поселкд күцәгджәнә. Эднәс хамгин ик Көглт селәнд кимд түлән цөн өдр болад орулгдх.

Эндр Элст балһснд Хальмг танһчин олн-әмтнә артист Александр Бадма-Горяевин өөнд нерәдгдсн үүдәгч концерт болх. Ду-бииһин Бамб цецг нертә государственн ансамбльд һучн тавн жилдән көдлжәнә. Ода ансамбль ик концертн программ белджәнә.

Хальмгин университетд хальмг улсиг цаажла харһулсна далн жилин һашута өөнд нерәдгдсн һәәхүл секгдв. Энүг деед сурһулин көдләчнр эврән белдв. Эдн гертәсн өрк-бүлин альбомас зургуд авч ирв.

Школан төгсжәх көвүд-күүкд орс келнә болн литературин негдсн ЕГЭ-н шүүвр эс гиж нәәрүлж бичлһнә шүүвр өгх зөвтә. Энүнә тускар күүндвр кесг жилдән болжана.

Эндр Элстд Калачинская нертә уульнцд зун нәәмн патьрта гер байрин бәәдлд секгдх. Дәкәд нег тодлад келхлә, олн давхрта шин гер хуучн гермүдәс әмтн нүүлһнә танһчин шишлнг программар тосхгдв.

Хальмг танһчд региона некоммерческ организацсин социальн программ экләд күцәгджәнә. Танһчин марһанд орулж өгсн программ инвалидмудын, экнрин, бичкдүдин, өнчн көвүд-күүкдин болн ветеранмудын төрмүд хаһлх зөвтә.

Эндр Дагестана келн-улсин политикин министерствин болн Хальмг танһчин эрдм-сурһулин, сойлын болн номин министерств хоорнд нөкцлтин туск зөвшәлт батлж авгдв.

Эндр танһчин марһанд диилвр бәрсн некоммерческ организацс грант авв. Ут-тоодан иим хөрн дөрвн мөнгнә мөрә өггдв. Эдн цугтан танһчин толһачла харһлт кев. Алексей Орлов эдниг йөрәһәд, дииләчнрин сертификат бәрүлж өгв.

“Терпсихора России” нертә цугәрәсән бииһин йисдгч фестиваль-марһанд Веснушки ансамбль диилвр бәрв. Эдн гран-при, олн-әмтнә онц би номинацд негдгч девснгин диплом шүүж авв.

Селекц — урһмлын халхин хамгин олз-орута халх. Буудя урһц сән болхинь специалист кеж чадх. Иим буудяһас сән чинртә өдмг болн хаш болһж болх.