Эндр Хальмг танһчин олн-әмтнә хуралын дарани дөрвдгч сессин сүүр болв. Энүнд арвн нәәмн төрәр күүндвр кегдв.

Танһчин МВД-н эрдмин белдврин цутхлнгд сән зангшалд тохрсн цергә зер-зевәс халһна спортивн марһан болв.

Танһчин бичкдүдин үүдәлтин цутхлнгд хальмг улсиг цаажла харһулсн далдгч жилин һашута өөнд нерәдгдсн марһан болв. Энүнә нернь арвн һурвн жил, арн һурвн өдр.

Шин жилин байр күртл дала цаг үлдсн уга. Ода элстихн байрин ширәд кедү мөнг кергтә гиж тооца кежәнә.

Калмаки. Иим бәәрн хасгуд Аральск балһснд нүүлһсн хальмгудыг нерәддг бәәж. Күчәр нүүлһснә нег пункт — Казахстан бәәж. Хол һазрт бәәх Аральск балһсн цаажла харһсн хальмгудын хойрдгч төрскн һазр болв.

Эн жилин чилгч күртл Октябрьск района Ик Царнг поселкин хамгин хурц төр уудг усар тетклһнә төр хаһлгдх.

Хаалһд учрсн зеткртә йовдлмудын ашт медицинск дөн күрглһнә бүрдәмжин көдлмш ясрулһна федеральн шишлнг программ Хальмг танһчин аһуд шунмһаһар күцәгджәнә. Энүнә программар һурвн девснгтә һурвн травмцутхлнг секгдв.

Эндр олн-әмтнә хуралын сессин сүүрин өмн өргнд закана, эрдм-сурһулин болн бюджетин төрмүдин парламентск комитетмудын сүүр болв.

Санлын мөнркрүлв. Тамара Хахлынован нертә хальмгин медицинск колледжд эн сурһулин заведеня түрүн директор Эрнцн Лиджиевин санл мөнкрүлгч мемориальн самбр секгдв. Медицинск училишин тууж дөчдгч жиләс авн эклжәнә.

Элст балһснд давсн амрлһна өдрмүдт спортын күнтә мастер Тул Балдашиновин санлд нерәдгдсн цугәрәсән арвн нәәмдгч бөк бәрлдлһнә марһан болв.

Хальмг танһчд олн-әмтнә дәкәд нег шүлгчд иим күндтә нерн зүүлһгдв. Иим негр танһчин нертә шүлгч, краевед болн эколог Григорий Кукарекад зүүлһгдв. Эн жил шлүгч далн жилин өөнән темдглжәнә.

“Звучит на степью голос дружбы”. Иим нерәдлһтә межрегиональн фольклорн фестиваль эн өдрмүдт Элст балһснд болжана.

Декабрин хөрн тавнд Октябрьск района цутхлнг Ик Царнг послекд хойр сойиальн обьект эдлврт орулгдх. Эннь больницин шин гер болн шинрүлгдсн бичкдүдин сад. Тенд танһчин правительствин ахлач Игорь Зотов бүртклһ кев.

Танһчин нертә зурач Һәрә Олегович Рокчинскийн йирн насна өөнд нерәдгдсн һәәхүлд художественн бичкдүдин школын сурһульчнр эврәннь көдлмшән үзүлв. Энүнә көвүд-күүкд тохнята белдвр кев, Рокчинскийн намтр болн үүдәлтин туск материлмудла таньлдв.

Шин жилин байрин өмн өргнд МЧС-ин көдләчнр пиротехническ продукц хулджах хулд-гүүлгәнә предприятьмуд эргәд, бүртклһ кев. Му чинртә фейерверк, петард, холпушк олзлхла шин жилин байрла зеткртә йовдл учрх әәмшгтә.