Эндр болсн төгрг ширән сүүрт коррупцла ноолда келһнә, энүг зөв-йосна халһар тетклһнә болн антикоррупционн кемжәнә тускар тодрха күүндв кегдв. Иим селвлцә бүрдәж давулх седвәр юстицин министерств орулж өгв.

Сурһульчнр экологин медрлән үзүлв. Элст балһснд бичкдүдин немр сурһулин халхар эколого-биологическ танһчин номин олимпиад болв. Энүнд райодт шүүврин девснгд диилвр бәрсн көвүд-күүкд орлцв.

Шин жилин болн рождественск байриг түүмр угаһар болн зеткртә йовдлмуд угаһар давулхин төлә. Хальмгин МЧС-ин көдләчнр Элст балһсна школмудт әәмшг уга бәәлһнә тускар кичәлмүд давулжана.

“Центр” нертә залврин компаня һардач уголвн загла харһулгдв. Эн залврин компаня һардач Юрий Очировин тускар уголовн керг зарһд йовулгдв. Энүг зөөрин һару һарһв гиж гемшәжәнә.

Эндр Лагань балһснд өнчн бичкдүдин төлә тосхгдсн гер байрин бәәдлд секгджәнә. Дөврн патьрта герин тосхлт эн жилин август сард эклсмн.

Эндр Хальмг танһчин дотр-дундын кергүдин министр Андрей Мишагин танһчин журналистнрин сурврмудт хәрү өгв. Эннь шин министрин журналистнрла болсн түрүн харһлт болжана.

Дигтә нег жил хооран "Вести-Кабардино-Балкарь" программин һардач журналист Казбек Геккиев әмнәсн хаһцв. Асхна эфир төгсснә хөөн гер талан хәрж йовхлань боевикүд энүг хаһад алж. Эн зәнг Әрәсән цуг улсиг үүмүлв.

Түрүн цасн орад киитн өдрмүд тогтад Хальмгт йоста үвл ирв. Эн кемд маши залачнрт зунын резиг үвлин резинд сольх кергтә болна.

Мана танһчд зака эвдж хадһлгджах бу-селм болн сум эврә дурар орулж өглһнә көдлмш күцәгджәнә. Энүг өгсн әмтн мөнг авхмн.

“Ик балһсна герл”. Иим нерәдлһтә цугәрәсән искусствин фестиваль Ставрополь балһснд болв. Энүнд Украина, Белоруссин, Казахстана, Әрәсән коллективмуд орлцв. Мана танһчин нер Доржина нертә бичкдүдин көгжмин школын сурһульчнр харсв.

Давсн цагин өвдкүр ода күртл эдгәд уга. Элст балһснд болн танһчин цуг райодт хальмг улсиг цаажла харһулсн далдгч жилин һашута өөнд нерәдгдсн керг-үүлдврмүд болжана.

Шин жиләс авн алв өгдг улс немр үнин туск алвна декларациг зуг электронн эв-арһар өгх зөвтә.

Хальмгт цасн орад киитрәд, йоса үвлин бәәдл һарв. Машина эздүдт үүмдг цаг ирв. Ода зунын төгәг үвлин төгәд сольх кергтә. Ода хотл балһснд иим көдлмш кедг мастерской дала.

Элст балһснд дошкольн учрежденьст чеерүдин төриг немр багмуд секәд хаһлжана. Тер мет хотл балһснд ода Ипподромная болн Шапшукован нертә уульнцд хойр шин бичкдүдин садын гермүд тосхгджана.

Эндр инвалидмудын нарта-делкән өдр. Эн өдр нөкд болн дөн күләжәх улсин төрмүдт санаһан зовжах улсиг негдүлжәнә. Эн өдрмүдт сойлын болн спортивн керг-үүлдврмүд болжана.