Сурһульчнр амрлһна кемиг Санкт-Петербург балһснд давулв. “Алтн Булг” нертә негдгч тойгта искусствин школын хор нег минһн күн орлцата хамцу хорин ханьд Нева һол бәәх балһснд белдвр кев.

Әәдрхн балһснд художественн гимнастикин Өмн үзгин федеральн округин марһан цаарандан болжана. Энүнд Волгоград балһсна, Ростовск областин, Ставропольск болн Краснодарск краймудын болн Хальмг танһчин гимнасткс дөрлджәнә.

Артистнр, политикүд болн спортсменмүд. Танһчин хамгин тоомсрта улс олимпийск һал авч йовх. Эн ик чинртә керг-үүлдврт нарта-делкән спортын мастер Марина Анфимова бас орлцх. Мана үүдәгч баг энүнлә харһад күүндв.

Көлгн-күчнд әәмшг уга бәәдл тетклһнә төлә государств кесг жува арслнг йилһж өгх. Эн төр давсн жилин чилгчәр Волгоград балһснд учрсн терактмудын хөөн ик чинр зүүжәнә.

Эндр Әрәсән мөшклһнә комитет тогтасн өдр. Хойр минһн доладгч жилд салу ведомствд хүврв. Тер бийнь прокуратурин органмудын системд оржасмн. Ода болхла мөшклһнә комитет салу ведомств болв.

Арвн хонг болад олимпийск һал Хальмг танһчд ирх. Олимпийк һал январин хөрн тавнд Ставрополь балһснас поездар Элст балһснд ирхмн.

Сарпинск района Обильное селәнд бәәрн православн чонж шинрүлж ясгджана. Энүг күсдундур зун жил хооран энд тосхсмн. Кесг жилдән эн чонж итклин темдг болж олн улст туслж йовсмн.

Хальмг танһчин правительствин президиумин дарани сүүр болв. Энүнд эн жил мана танһчд государственн программ күцәлһнә туст күцәгч йосна органмудын дааврин болн көдлмшин зуран тускар күүндвр кегдв.

Давсн жилин ашар мана танһчд харнһу кемд хаалһд далн зеткртә йовдл учрв. Энүнәс һучн насни дигт күрәд уга бичкдүд орлцата йовдл болв.

Синоптикүдин тааврар, эндр болсн киитн удан болшго. Иргч өдрмүдт Хальмг танһчд дуларх. Аһарин кемжән өдртнь дөрвн градус дуланд күрх. Сөөднь дөрвн градус киитн болх.

МЧС-ин көдләчнр орсин келн-улсин гимназьд эклц класст әәмшг уга бәәлһнә кичәл бүрдәж давулв. Бичякн көвүд-күүкд түүмрәс яһж саглулхин тускар МЧС-ин көдләчнр цәәлһж өгв.

Сурһульчнрин цугәрәсән олимпиадын региональн девснг эклв. Энүнд танһчин цуг райодын нег минһн көвүн-күүкн орлцх.

Тер саамд давсн жилд Садовое селәнд бичкдүдин төлә немр дөчн орм секв. Сарпинск РМО-н администрацин тоолврар, эннь давсн жилин сән күцәмжин негнь болв.

Элст балһснд дәкәд нег худл мөнгн илткж авгдв. Хотл балһсна нег банкин көдләчәс энүнә тускар зәнг орж ирв.

Эндр танһчин правительствин президиумин дарани сүүр болв. Сүүриг премьер-министр Игорь Зотов һардв.