Эн өдрмүдт мана танһчд бичкдүдин төлә шин жилин байрин нәр-наадн болжана. Туульсин дүрмүд, Киитн аав болн энүнә ач күүкнь Элст балһсна хөрн дөрвдгч садын көвүд-күүкд сергмжтә байр белглв.

“Депортация”. Иим нерәдлһтә интернет-сайт Элст балһсна арвдгч школд секгдв. Энүг хальмг улсиг цаажла харһулсн далдгч жилин һашута өөнд нерәдв. Иим сайт секх седвәр сурһульчнр орулж өгсмн.

Эндр арвн хойр часла Хальмг танһчин олн-әмтнә хуралын өргн сүүр болв. Энүнд Хальмг танһчин толһач Алексей Орлов дуудвр кев.

Үстин района Харба селәнд хальмг улсиг цаажла харһулсн далдгч жилин һашута өөнд нерәдж санлын эрс секв. Харба селәнәс тууврт бәәсн нег минһн күүнә нер мөнкрүлхин төлә иим эрсн тәвгдв.

Элст балһснд олимпийск һал тосж авч йовх зун найн волонтермудт цуг даалһврмуд өггдв. Бүрдәмжин комитетла болсн харһлтд көдлмшин зура батлж авгдв.

Эндр Хальмг танһчин әмтн келн-улсин хамгин һол байр — Зулын байр темдглжәнә. Эн өдр шин жилин байр гиж нерәдгднә. Тогстн авьясар эндр Элстин цутхлнг хурлд байрин ик мөргүл болв.

Тер саамд Хальмг танһч цаажин далдгч жилин һашута өөнд белдвр кежәнә. Манһдур цуг танһчд санлын керг-үүлдврмүд бүрдәж давулгдх.

Эндр Хальмг танһчин толһач Алексей Орлов Китдин Шинжән-Уйгурск автономн района делегацла харһад күүндв. Хол һазрас ирсн гиичнр хальмгт ирсн күцлинь тускар келж өгв.

“Великий вам поклон, все наши ээжи и аавы”. Иим нерәдлһтә санлын асхн Бурхн Багшин Алтн сүмин библиотект болв. Эн керг-үүлдвр хальмг улсиг цаажла харһулсн далдгч жилин һашута өөнд нерәдгдв.

Төрскн һазрасн салад арвн һурвн жилдән бәәв. Декабрин хөрн нәәмнд хальмг улс цаажла харһсн далдгч жилин һашута өөн күцжәнә.

Хальмг танһчд Полицейский Дед Мороз нертә цугәрәсән буйнч секдлин керг-үүлдвр эклв. Энүнә һол күцлнь — социальн күнд бәәдлд туссн бичкдүдт дөн күрглһн, эк-эцкин хәләвр уга бәх бичкдүдлә саглулгч керг-үүлдврмүд күцәлһн болжана.

Сегодняшнее заседание Избиркома Калмыкии было посвящено 20-летию образования избирательной системы России.

Эндр Хальмг танһчар Әрәсән юстицин министерствин заллтин һардврин хань өргн оперативн селвләц кев.

Хальмг кел харсж харх кергтә. Төрскн келн нертә хотл балһсна хүүвин гешүд эн төриг һол төр гиж хаһлжана.

Йосн баатр эс гиж литературн герой? Хойрдгч болн нәәмдгч микрорайодын хоорнд бәәх проспектд хуучн неринь хәрү өгх селвг хотл балһсна элчнр орулж өгв.