Хальмг танһчд олимпийск һал арвн хойр өдр болад ирх. Эн өдрмүдт үвлин олимпийск наадна һол темдгиг Мичуринск болн Липецк балһсд тосжана. Январин хөрн тавнд олимпийск эстафет Элст балһснд ирхмн.

Цергәс зулсн көвүд государственн церглтин көдлмшт орж чадшго. Эн жилин январин нег шинәс авн цергт эс церглсн улс государственн гражданск церглтин көдлшмт орулж авгдшго.

Шин жил эклснә хөөн танһчин улсин коммунальн туслжмин тарифмудын өслт үүмүлжәнә.

Нәрн шинж йоста тәәлвртә тууль, энүг наадхин төлә һарин эв болн цецн ухан кергтә. Хальмг келнә деглртин тускар ухалжах улс хальмг улсин кезәнк Нәрн шинж келн-улсин наад сергәхәр шиидв.

ЕГЭ-н государственн шүүврин ашла зерг деед сурһульд орсн кемд ашлгч нәәрүлж бичлһнә шүүврин ашиг иргч сурһулин жилд тоод авх даалһвр Әрәсән премьер-министр Дмитрий Медведев өгв.

Өргн хур олн улсин чикнә хужр ханһав. Москва болн Санкт-Петербург балһсдын хамгин сән гисн көгжмин сурһулин заведень сурчах көвүд-күүкдлә болдг рождествон харһлтсин программар Элст балһснд классическ көгжмин концерт болв.

Хальмг танһчд дәкәд нег район Көтнрә района цуг селәт газ ирв. Социальн ик чинртә төсв күцәхин төлә танһчин һардачнр цуг арһ-чидлән агсж шунв.

Январин арвн хойрла Әрәсән прокуратурин көдләчнрин сән өдр. Эндр Элст балһснд сән өдрт нерәдгдсн байрин хург болв. Мана орн-нутгин гражданмуд эврәннь хурц төрмүдин болн зовлнгин тускар прокуратурт ирәд дөн сурна.

Баһ Дөрвд селәнд шин тоосхин завод эдлврт орулгдв. Танһчин тосхлтын ик компаня орулж өгсн инвестиционн төсвиг танһчин һардвр дөннв. Промышленн ик обьект хойр жилдән тосхгдв.

Рождественск белгүд. Жил болһн байрин өдрмүдт Элстин болн Хальмгин епархий көгшүдин герт болн бичкдүдин гер-интернатд гиичд одна. Эн жил эн зангшалыг эдн бас күцәв.

Дәкәд нег тодлад келхлә, шин жиләс авн январин нег шинәс авн шин закад, тогтаврмуд болн закврмуд үүлдврт орв. Үлгүрнь, бичкдүдин садмудт бичлһн ода электронн эв-арһар бас күцәгдх.

Хуучн гермүдәс әмт нүүлһнә программар цуг әмтн шин патьрмудт хойр минһн арвн доладгч жилд нүүж орх зөвтә. Давсн жилин чилгчәр зун нәәмн өрк-бүл шин бүүрт нүүж орла.

Тер саамд январин нег шинәс авн хаалһар йовлһна зокал эвдсн ялын хамгин баһ кемжән тавн зун арслнг тогтах. Эннь урдк ялын кемжәнәс тавн холванд ик болжана.

Давсн долан хонгт мана танһчд һурвн түүмр шатв. Энүнә ашт нег чигн күн әмнәсн хаһцсн уга. Ода энүнә учрнь илткгджәнә.

Эндр Хальмг танһчин олна палатын бүрдәмжин түрүн сүүрт энүнә ахлачд Баатр Гиндеев сунһж авгдв. Энүнә төлә цуг гешүд дууһан өгв.