“Арт-елка” нертә һәәхүл марһан болжана

“Мир музея” нертә эрдм-сурһулин болн художественн программар баһ наста зурачнрин болн дизайнермудын төлә Пальмовин нертә келн-улсин музей “Арт-елка” нертә һәәхәүл-марһа бүрдәж давулжана. Энүнд күн болһн ямаран чигн материалас шин жилин байрт нерәдгдсн кегдлмүд авч ирж чаджана. Им кегдл дегд ик болх зөв уга, өндртән длан сантиметрас давх зөв уга.

Шин жилин байрин өмн өргнд энд дизайнерск елкмуд бәәнә. Энүг олн-зүсн материалас кеж, тер тоод текстиляс, палстикас, цааснас, шиләс, макаронас, опилкас болн долларас кеж. “Арт-елка” нертә һәәхүлин йовудт оютнр, сурһульчнр болн багшнр эврәннь медрлән, билг-эрдмән урн һаран олзлад көдлв. Эднә негнь хойрдгч школын орс келнә болн литературин багш Галина Петушенко. Эн урн һарта күүкд күн хойр көдлмш үзүлв. Эннь “Кружевная сказка”, “Елка с планеты железо” нертә көдлмш. Энүг кехин төлә долан хонг кергтә болв. Энүнә чиннүрнь нәәмн килограмм тогтажана.

Галина Петушенкон келсәр, елкиг газетас, пенопластас, компьютерн дискмудас, апельсина хальснас, лимонас, ракушкас болн батарейкас кеж һарһв.

Һәәхүлд өвәрц нертә кегдлмүд бәәнә, тер тоод “Арабская ночь”, “Зеленая красавица”, “Елка из стружки” болн талдан чигн нертә кегдлмүд үзж болх. Ода марһанд орлцачнр эврәннь көдлмшән авч иржәнә. Эдн цугтан соньн, энүнд урн һарта улс седклән болн дуран өгч кеж. Зәрм экспонатмудыг хәләсн деерән амсж болх. Үлгүрнь, эн елкиг кампадяс кеж.

Макаронас кесн елк таасгдв, эннь йир өвәрц, энүг яһж кеснь соньн болв гиж эн келнә. Эн күүкнә келсәр, "Арабская ночь" нертә елк таасгдв. Гилвкәд сәәнәр герлтнә.

Эн керг-үүлдврин бүрдәһәчнрин келсәр, дииләчнр олн-зүсн халхар үнлгдх. Эннь даалһврин ухан-сана яһж күцәснь, өвәрц янз, олн-зүсн материал олзлснь тоод авгдх. Келхд, Арт-елка нертә һәәхүл түрүн болж бүрдәгджәнә. Өвәрц һәәхүл Элст балһсна улсиг болн гиичнриг икәр соньмсулв.

Һәәхүлин аш декабрин хөрн дөрвнлә диглгдх. Дииләчнр мөнгнә мөрәһәр ачлгдх. Мөрән санг арвн минһн арслнг тогтажана.

Ээнән Делгр, Мятежный Максим