Волейболын тускар дәкәд нег зәнг. Приютненск районд Советск Союзин Герой Николай Воробьевин санлд нерәдгдсн марһан болв. Энүнә нер зүүжәх селәнд района спортсменмүд ирж дөрлдв алдан райодын элчнр бас ирв.

Элст балһснд Эрдни Меклеевин мөрән төлә танһчин волейбольн марһан болв. Эрдм-сурһулин йилһән сән көдләчин нернлә волейбол наадна делгрлт өөрхн залһлдата. Кесг жилдән Эрдни Меклеев педагогическ училишд физкультурин багш болж көдлсмн.

Хойр минһн арвн зурһадгч жил күртл Әрәсәд дошкольн учрежденьд орх чеерүд уга болх зөвтә. Хальмг танһчд эн туст көдлмш девснг-девснгәр күцәгджәнә.

“Күүнә бичкдүд бәәдм биш”. Иим нерәдлһтә буйнч секдлин керг-үүлдвр Хальмг танһчин зарһин приставмудын заллт бүрдәж давулв. Энүнә һол күцлнь — алиментын өртә эцкнр үрддүтән нөкд болхин туск төр тәвгджәнә.

Сочи балһснд Әрәсән регионмуд эврәннь һәәхүлән секв. Олимписйк паркд Әрәсән аһуд бәәршлжәх келн-улсин урн һарин эрдмлә, солйын зангшалла өөрхн таньлдж болх. Энүнд Адын.гейин, Чечнян, Ар Осетин, Дагестана, Ингушетин экспозиц көдлжәнә.

Хальмг танһчин аһуд Астраханск областин межәһәс Дагестан күртл “Әәдрхн-Кочубей-Кизляр-Махачкала” хоорндк автомобильн хаалһин участкин тосхлтын ик көдлмш кегджәнә. Астраханск областяр давж һарчах участкд асфальтированн хаалһ тосхгдв.

Бичкдүдин шишлнг герт капитальн ясвр кехин төлә арвн негн сай арслнг олзлгдв. Энүнә төлә мөнгн Әрәсән президентин көрнгин сангас йилһж өггдв.

Хальмг танһчин агропромышленн комплексин делгрлт. Энүнә тускар эндр танһчин толһач Алексей Орлов Әрәсән селәнә эдл-ахун министр Николай Федоровла харһад күүндв.

Эн селәнә школд зун йирн нәәмн сурһульч сурч чадх. Эн жилин сентябрь сард селәнә делгрлтин программар Көтчнрә района Сарпа поселкд хойр давхрта шин школ секх зурата.

Хальмг танһчд “Кудесник” нертә негдгч-дөрвдгч классмудын сурһульчнр дунд эсвин марафона түрүн девснг болх. Энүнә һол күцлнь — эсвин билг бичкдүдт эртәс авн илткж авлһна төр тәвгджәнә.

Олн-әмтнә эдлдг хот-хол болн олзлдг эд-таврин чинр болн үн яһж ирлцжәнә. Харм төрхд, эн туст эдләчнрин зөв эвдгдәд, хот-хоолын болн эд-таврин чинр болн үн ирлцхш.

Эндр танһчин правительствин президиумин сүүрт күчәгч йосна органмудт күцәгч диг-дарана тускар тодрха күүндвр кегдв. Сүүрт зәнглсәр, нег минһн документ бүртклһнд авгдсн билә.

Синоптикүдин тааврар, иргч өдрмүдт будн дуух, хаалһс мөстх. Эндр өрүн эрт Элст балһснд Ленина нертә уульнцд хаалһ мөстснәс көлтә зеткртә йовдл учрв.

Үстин район Элст балһснд секәтә мини-футбольн марһа бүрдәж давулв. Энүнд района бәәрн улсас арвн команд тогтагдв. Дөрлдә давулх седвәр спортивн жиәсән ветеранмуд орулж өгсмн.

Волейбол наадн сергәгдж босхгдх. Танһчин спортын, туризмин болн баһчудын политикин министерств мана танһчд эн спортыг сергәж босхлһна төр халһх саната. Элст балһснд болсн секәтә марһанд нәәмн команд орлцв.