Такан өндгн үнтәрв. Энүнә учрнь ямаран? Сүл цагт эн төрәр Әрәсән регионмудт зүткәтә күүндвр болжана.

Эндр хальмг танһчин олн-әмтнә хуралын һурвдгч сессин сүүр болв. Энүнд депутатнр хөрн дөрвн төр хәләв.

Тер саамд Элст балһсна цутхлнгин хаалһд зеткртә йодвл учрв. Энүнә ашт күн шавтсн уга, әмнәсн хаһцсн уга. Жанһрин болн Ленина нертә уульнцин керчлһнд хойр гиигн машин цоклдв.

Хойр минһн арвн һурвдгч жилд олимпийск көрнгин танһчин школын бөкнр сән үзмж бәрв. Хальмгин бичкн бөкнр цугәрәсән болн нарта-делкән марһаст орлцад, дииләчнрин болн призермудын тоод орв.

Настольн теннисн танһчин марһанд диилвр бәрсн Баһ Дөрвдә сурһульч Баир Бадмаев хойрдад Сеул балһснд одх. Марһанд танһчин цуг райодас һучн хойр спортсмен дииләчән йилһв.

Хальмг танһчд “Макулатур цуглулад — бичкдүдт дөн күрг” нертә керг-үүлдвр цаарандан болжана. Энүнд министерствс-ведомствс, организацс, онц арһлачнр болн хотл балһсна бәәрн улс орлцж чаджана.

Эн жилин арвн сарин эргцд танһчин хаалһст тавн зун тәвн зурһан зеткртә йовдл учрв, энүнә ашт найн хойр күн әмнәсн хаһцв, тер тоод долан бичкдүд.

Хальмг танһчин спортсменк бүс бәрәд бөк бәрлдлһнә нарта-делкән чемпионатд цаһан мөнгн медаль шүүж авв.

Яшкуль селәнә улсин тоолврар, Бурятин хамбо ламин әрүн цогц Әрәсән туужд ор һанцхн иим өвәрц йовдл биш болжана.

Элст балһсна государственн көдләчнр хальмг улсин би биилдг эрдм дасжана. Эднә төлә шишлнг сурһуль бүрдәгдв. Эдн долан хонгт хойр өдр би дасдг сурһульд одна.

Баһ Дөрвдә районд электрокүч болн газ әрвлһнә социальн программ сән үзмжтәһәр күцгджәнә. Района бичкдүдин үүдәлтин герт автономн дула өглһнә систем углж тәвгдв.

Эндр өдрәс авн тәмк татлһнла ноолда келһнә төлә батлж авсн административн зака үүлдврт оржана.

Хальмг танһчд некоммерческ организацсиг социальнхалхар дөннлһнә программсин марһана аш диглгдв. Региона экономикин министерствин ашар финансин дөн күрглһнә программар некоммерческ организацсд танһчин бюджетас дөнцл мөнгн өгх зура бәәнә.

Эндр Элст балһсна һучн өрк-бүл жилишн сертификат авв. Программин таалар, энүнд орлцачнр бәәдг герин үнин һучн тавн процентинь авх зөвтә.

Әрәсән баһ наста билгтнр нертә марһана дииләчнр йилһрв.