Яшкульск района эрдм-сурһулин учрежедньсиг бүрткж хәләснә ашт эн халхар му бәәдл тогтв гиж сүүрт хальмгин эрдм-сурһулин болн номин министр Лариса Васильева зәнглв.

Давс жиллә дүнцүлхлә эн жил мана танһчд нилх хорлһна то өсв гиж эрүл-менд харлһна министерств темдглв. Энүнә учрнь олн-зүсн, тер тоод эмчнин дамшлт баһ, шин оборудовань ховр болжана.

Әрәсән эрдм-сурһулин болн номин министерств Хальмгин университетиг хамгин сән деед сурһулин тоод орулв. Иим спискд мана орн-нутгин нертә деед сурһуль орж чадсн уга.

Далн жил хооран киитн декабрь сард хальмгудыг хол Сиврт күчәр нүүлһсмн, Танһчин зун минһн күн арвн һурвн жилдән төрскн һазрасн салад күзүцә золвн дааж һарв.

Хальмг танһчд һахасин маальг гем тархалһн зогсагдв. Баһ Дөрвдә районд африканск һахасин маальг гемлә ноолда келһнә шишлнг сурһуль болв.

Виват студент! Элст балһснд оютнрин үүдәлтин фестиваль давулгджана. Энүнд най һар оют олн —зүсн номинацд орлцад хойр өдрин эргцд эврәннь билг-эрдмән үзүлх.

Элст балһснд танһчин бичкн сәәхләг шүүж авв. “Аавин Байруш” нертә бичкдүдин марһанд нәәмн наснас авн арвн хойр насн күртл күүкд орлцв.

Үвлд тохнята белдвр кегдв. Яшкульск района малчнр иргч үвлд күрх малын хотын йирн нәәмн процентинь белдж авч. Ода хөөчнрин дәкәд нег дааврта көдлмш — хөөдт көг тәвлһн күцәгджәнә.

Хальмг танһчд хаалһд учрдг зеткртә йовдлас көлтә әмнәсн хаһцсн улсин то сөәд йовна. Энүнә тускар танһчин правительствин президиумин сүүрт келгдв. Эн төрәр Хальмгин эрүл-менд харлһна министр Руслан Нагаев доклад кев.

Хальмг танһчд эмчин хәләврт электронн чеерүдәр орж болх. Эн жилин май сарас авн Калмдоктор. ру нертә сайт дамшлтын таалд көдлжәнә. Шин жиләс авн энүг олн улс олзлж чадх.

Давсн долан хонгт Хальмг танһчин хаалһст йисн зеткртә йовдл учрв. Энүнәс көлтә хөрн негн күн шавтв, тер тоод бичкдүд йовна.

Пальмовин нертә келн-улсин музейд Хальмгин ачта зурач, урн һарин эрдмч Виктор Дорджиевин өөнин һәәхүл секгдв. Өвәрц билгтә болн күч-көлсч күн дүрслгч искусствд эврә орман эзлж чадв.

Давсн бембә өдр Хальмг танһчас һарч йовсн санлын поезд Ханты-Мансийск автономн округд күрх.

Сән күцәмж бәрх хаалһ. Иим нерәдлһтә танһчин школмудын арвн негдгч классмудын һардачнрин танһчин семинар-селвлцән Хальмгин университетд болв.

Эврәннь зовлнгин тускар мартлго, хар сана бичгә зүүтн. Дала лам гегәнә келсн үгмүдәр Элст балһсна бәәрн күүкд күн Полина Дагинова “Тодлврмуд” нертә очеркан эклв.