Ганна Слуцки бичсн “6 блюд из одной курицы” нертә пьесар драмин болн шог наадна орсин театр шин наад белджәнә. Шин шог наадн танһчин хәләһәчнрт таасгдх гиж артистнр нәәлжәнә.

Эндр региональн Пенсионн сангд Әрәсән күч-көлснә болн социальн харслтын министр Максим Топилина, статс-сегләтр, Әрәсән күч-көлснә болн социальн харслтын министрин дарук Андрей Пудовин, Әрәсән Пенсионн сангин правляна ахлач Антон Дроздовин болн.

Эндр зарһин приставмудын сән өдр. Эн байр Әрәсән Президентин зәрлгәр хойр минһн йисдгч жиләс авн темдглгджәнә. Тер бийнь сән өдр олн-әмтнә литд батрад, сән зангшалд тохрв.

Кемр маднд дөн кергтә болхла бидн 112 тойгта телефоһар жиннүлнәвидн. Хальмг танһчд негдсн дежурн диспетчерск церглт дигтә жил хооран бүрдәгдв. Иим ахр цагин болзгт церглт олз-тустаһан медүлв.

Хальмгин би ЮНЕСКО-н сойлын нарта-делкән зөөрин обьект болх. Энүнә тускар Элст балһснд ноябрин тавнас авн нәәмн күртл Б-З: болх нарта-делкән номин дамшлтын конференцд күүндвр болх.

Ноябрин хойр шинд Элст балһснд хальмг танһчин келн-улсин оркестрин өөнд нерәдгдсн келн-улсин көгжмин хойрдгч фестиваль болх. Эн жил оркестр хөрн тавн жилин өөнән темдглжәнә. Байрин керг-үүлдврмүд бүкл жилдән бүрдәж давулгдв.

Элст балһснд Астраханск областин Красный Яр селәнәс Иерусалимск Бурхна Экин хүрн шүтән ирх. Энүг нояюрин дөрвнд Казанск кафедральн чонжин сән өдрлә ирцүлж авч ирхмн.

Хамдан цугинь кеж чадхвидн. Иим товч үгәр Әрәсән оддуд нертә урн һарин межрегиональн фестиваль болв. Энүнд танһчин цуг райодас инвалид улс ирж орлцв. Эдн цугтан муниципальн девснгин дииләчнр.

Газин өрн темдглсн зураһар данцагджана. Әрәсән правительствин ахлач Дмитрий Медведевин һардврта болсн селекторн селвлцәнд энүнә тускар келгдв. Селвлцәнд хальмгин правительствин ахлач Игорь Зотов болн жилишн-коммунальн, энергетикин министр орлцв.

Эн күүкд күн урн һарта. Энүнә тускар өөрхн улснь, нәәжнрнь келнә, олн-зүсн күндлһнә һашгуд ил герч болжана. Белла Бевинова кевс неклһнә нарта-делкән марһасин дииләчин болн призерин нер зүүсмн.

Мал өсклһнә халхиг дөннх кергтә. Энүнә тускар танһчин экономикин, болн хулд-гүүлгәнә министрин дарук Боова Бадмаев келв.

Эн жилин сентябрин нег шинәс авн соктуһар маши залж йовсн улсиг чанһ засгла харһулх закан һарв. Тер бийнь соктуһар маши залж йовсн улсин то баһрсн уга.

Эн долан хонгин чилгч күртл мана танһчд бүркг өдрмүд болх, Хальмг танһчин зәрм ормар баһ-саһар хур орх. Аһарин кемжән өдртнь арвн — арвн негн градус дуланд күрх.

Билг-эрдмин фестиваль болв. танһчин бчикдүдин үүдәлтин бәәшнгд гала-концерт олну лс хәләж чадв. Энүнд зурһан наснас авн арвн долан нас күртл уйн наста артистнр билг-эрдмән үзүлв.

Ончта өөнин өмн өрнгд танһчин нертә искусствин үүлдәч Петр Надбитов төрскн һазртан Ик-Буурла района Көвүд поселкд одв. Энүнә һарджах Өөрднр нертә бииһин государтсвенн театр хамгин сән гисн программан үзүлв.