Хальмг танһчд Көк тенгсәс нефть һарһж авад, хадһлдг көвән сооруженьсин тосхлт эклв. Хар Һазра районд нефть гүүлгдг станцин өөр тосхлт эклснд нерәдгдсн байрин керг-үүлдвр болв. Энүнд цагин капсул һазрт даргдв.

Эндр танһчин правительствин дарани сүүр болв. Энүнд мал өсклһнә халх дөннлһнә төрәр тодрха күүндвр болв. Сүүрт хәләгдсн төрәр танһчин экономикин, болн хулд-гүүлгәнә министрин дарук Боова Бадмаев зәнглһ кев.

Физическ культурин ачта көдләч Анатолий Куберлиновин мөрән төлә болсн настольн теннисн танһчин марһанд бас дииләчнр йилһрв. Энүнд уйн наста зун хөрн көвүн-күүкн чидлән сөрв. Жил ирвәс бичкн теннисистнрин то өсәд йовна.

Бурятин шүлгч Намжл Нимбуевин жирн тавн жилин өөнд нерәдгдсн шүлгләнә марһана дииләчнр йилһрв. Дәкәд нег тодлад келхлә, эн саамд шүлгчнрин дөрлдән онлайн кемжәнд давулгдв.

Хальмг танһчин армрестлингин марһанд дииләчнр йилһрв. Дөрлдәнд арвн долан наснас ах тәвн спортсмен орлцв. Марһан жирн, далн, найн, йирн болн йирнәс күнд чиннүрин категорьт болв.

Номт Константин Максимовин бичсн Калмыкия в советскую эпоху: политика и реалии нертә шин дегтр барас удл уга һарх. Эн жил халмг улс цаажла харһулгдсн далн жилин һашута өөн темдглгджәнә.

Волгоград балһснд Өмн үзгин Әрәсән парламентск ниицәнә арвн йисдгч конференц болв. Энүнд депутатнр экономическ политикин, промышленн делгрлтин, агропромышленн халхин көдлмшин болн келн-улсин хоорндк хәрләцәнә тускар күүндвр кев.

Грозный балһснд болсн “Традиции гор” нертә сойлын болн туристическ фестивалин орлцачнр эврәннь сойлла олн улсиг таньлдулв. Хальмг танһчас энүнд Өөрднр театр орлцв.

Пальмовин нертә келн-улсин музейд Әрәсән олн-әмтнә зурач Һәрә Олегович Рокчинскийн йирн жилин өөнд нерәдгдсн һәәхүл секгдв. Шин һәәхүлд хәләһәчнр зун хөрн тавн көдлмш хәләж чадх.

Октябрь сар төгсж йовна. Ода әмтн үвлд хот хол белдж авчана. Болв эн жил урһаж авсн урһц хотл балһсна улсиг байрлулжахш. Иим кемд темснә болн зер-земшин үн кимдрдг бәәсмн.

Эндр селәнә эдл-ахун көдләчнр сән өдрән темдглжәнә. Элст балһснд энүнд нерәдгдсн байрин хург болв. Тәрәчнрниг болн малчнриг сән өдрләнь йөрәхәр танһчин толһач Алексей Орлов болн министерствсин элчнр ирв.

Эндр Грозный балһснд Традиции гор нерәдлһтә сойлын болн туристическ форумин орлцачнр сүл белдврән төгсәв. Асхлад энд фестивалин һол программ болн нарта-делкән гала-концерт эклх.

Эндр Пальмовин нертә келн-улсин музейд Әрәсән олн-әмтнә зурач Һәрә Олегович Рокчинскийн йирн жилин өөнд нерәдгдсн һәәхүл секгдв. Билгтә зурачин үүдәсн зургудыг мана танһчин әмтн болн һазадын ордудын улс сәәнәр меднә.

Бичкдүд хамгин харслт уга гражданмудын категорь болжана. Эдниг бөдүн улс харсж, бичкдүдт туслмж күргх зөвтә. Хальмг танһчин мөшклһнә комитетд Элстин сурһульчнрин эк-эцкнрлә харһлтс бүрдәж давулгджана. Иим харһлтс гегәрлгч чинртәһәр бүрдәгджәнә.

Ик-Буурла усна сурвлжн далн йисн процентд белн болв. Энүнә тускар хальмгин правительствин барин церглт зәнглжәнә. Энүнд һазр дорас ус һарһж авлһна сооруженьс тосхгдв, электрокүчнә сунһуг болн оборудовань углж тәвгдв.