Эндр орсин келн-улсин гимназьд Семейные родники России нертә зурһадгч эрдм-сурһулин форму болжана. Эндр Элст балһснд сән зангшалд тохрсн Радонежск умшлһн эклв.

Селәдин администрац паспортн то-диг иргч жиләс авн кешго. Ода селәнә әмтн бәәсн һазртан темдглж бичгдхин төлә, иим тооһас һархин төлә района цутхлнг селәнд одх зөвтә.

Танһчин правительствин закврар, Хальмгт олн патьрмудта гермүджт капитальн ясвр кехин төлә региональн санг бүрдәгдв.

Бюджетн халхин көдләчнрт жалв икдүлһнә, улсиг бәәдг гермүдәр тетклһнә, дошкольн учрежденьсин төрмүд хаһлһна тускар Өмн үзгин федеральн округин социальн-күч-көлснә хәрлцәнә комиссин сүүр болв. Энүнд дөрвн төр хәләгдв.

Иргч жилд Хальмгт олн патьрта гермүдт капитальн ясвр кехин төлә эздүд сар болһн нег дөрвлжн метрт тавн арслнг хөрн деншг орулж өгх зөвтә.

Ода Әрәсәд хойр болн энүнәс үлү үрдүдтә өрк-бүл экин мөнг авх зөвтә. Иим мөнгн эк-эцкнрт болн эднә өрк-бүлд өггджәнә. Тегәд иим мөнг өрк-бүлин төлә олзлж болжана.

Эндр телевиденя көдләчнр сән өдрән темдглжәнә. Эн халхин көдләчнр таднд өдр болһн мана танһчд учрсн һол йовдлмудын тускар зәнглнә.

Эн жилин эклцәс авн харсачнр нег минһн хойр зу дәкж һарч йовв. Эднәс хойр зун жирн зәнг худл болж һарв.

Хальмгин государственн университетд йилһән сәәнәр сурһулян дасжах оютнрин байрин нәр-наадн болв. Энүнә йовудт көвүд-күүкдт мөнгнә мөрә болн ханлтын бичгүд бәрүлж өггдв.

Ноябрь үвлд хаалһ заана гиж олнә-әмтнә үлгүрт келгднә. Моднас хамтхасн унж одв, киитн салькн үләжәнә, эрт харнһурдг болв. Өдртнь дулан болв чигн, сөөднь аһарин кемжән ноль градуст күрчәнә.

Хальмг танһчд иргч хойр минһн арвн дөрвдгч жилд пенсионермудын бәәдл-жирһлин хамгин баһ кемжән зурһан минһн тәвн һурвн арслнг тогтах.

Дмитрий Медведевин олна региональн приемнд танһчин әмтнлә харһлт болв. Хотл балһсна администрацин толһач Элст балһсна улсин төрмүд хаһлв. Тер тоод һазрин участк йилһж өглһнә, бәәдг гермүдин төрмүдәр элстихн дөн сурв.

Танһчин школмудт хальмг кел дасхлһна төр шин девнгд оржана. Төрскн келән сурһульчнр негдгч классас авн дасна. Хальмг кел хадһлж босхлһна төриг Яшкульск районд сәәнәр хаһлжана.

Хальмгин университетин оютнрин төсв федералдьн кемжән өөдәнәр үнлгдв. Эднә номин болн социальн көдлмш Санкт-Петербург балһснд болсн цугәрәсн оютнрин форумд үзүлгдв.

Хальмг танһчин дчн көвүд Әрәсән цергт мордв. Тогтсн авьясар иргч салдснриг Диилврин талвнгас байрин бәәдлд үдшәв. Эдн залһлдана цергт церглх.