Тәмк татлһнла ноолдан кегджәнә
Эндр өдрәс авн тәмк татлһнла ноолда келһнә төлә батлж авсн административн зака үүлдврт оржана. Ода хораст, эрдм-сурһулин, сойлын, спортивн, административн учрежденьст, автовокзалмудт, аэропортмудт, болн талдан чигн обьектмудт, тер энүнәс арвн тавн метр аһуд тәмк татж болшго. Тер мет көдлмшин ормд, лифтмудт, олн патьрта гермүдин олна һазрт бас тәмк татшго закан бәәнә. Ода бичкдүдин плошадкд тәмк татхла хойр минһнәс авн һурвн минһн арслнг күртл ял өгх кергтә. Тер мет насни дигт күрәд уга бичкдүдт тәмк хулдхла бас засгла харһулх закан һарв. Иим ялын кемжән һучн минһнәс авн тәвн минһн арслнг күртл тогтажана, юридическ улс зун минһнәс авн зун тәвн минһн арслнг ял өгх зөвтә. Ял олна системар авгдх. Зака эвдсн улс бийдән мөнгн бәәх аль угай тоод авгдшго, тер мет документ бәәснь аль угай бас тоод авгджахш. Иим кевәр зака эвдсн улсин тускар протокол бичгдж, ялын мөнгн бюджетд орулж өггдх зөвтә.
