Бичкдүдин үүдәлтин герт автономн дула өглһнә систем көдлжәнә
Баһ Дөрвдә районд электрокүч болн газ әрвлһнә социальн программ сән үзмжтәһәр күцгджәнә. Района бичкдүдин үүдәлтин герт автономн дула өглһнә систем углж тәвгдв. Ода киитн кем эклснә хөөн, бичкдүд болн багшнр дулан хорасн көдлжәнә.
Урднь бичкдүдин үүдәлтин герт киитн болад бичкдүд дурта эрдмәрн энд сурч чаддго бәәсмн. Автономн дула өглһнә систем углж тәвснә хөөн эн төр хаһлгдв. Ода көвүд-күүкд дулан хораст ду дуулад, бииләд, зург узрад, спортын секцд оржана. Шинрүлгдсн герт һурвн немр эрдм-сурһулин учреждень көдлжәнә. Эннь бичкүдин үүдәлтин гер, искусствин школ болн бичкдүдин спортивн школ бәәнә.
Баһ Дөрвдә района бичкдүдин үүдәлтин герин директор Жирһл Болдыреван келсәр, эн жил герин ора шинрүлж ясв. Автономн түүмрәс саглулһна докья огдг систем кев, автономн дула өглһнә систем углж тәвж. Ода көдлмшин таал ясрв. Ода хораст дулан, бичкдүд болн багшнр байрта бәәнә.
Баһ Дөрвдә района администрацин толһачин дарук Николай Обшиевин келсәр, района бичкдүдин үүдәлтин герт автономн дула өглһнә систем танһчин бюджетас йилһж өгсн мөнгәр орулгдв. Эн мөнгнә өрәлинь района хазнас йилһж өггдв.
Баһ Дөрвдә района администрацин толһачин дарук Николай Обшиевин келсәр, эн обьектд йисн зун дөчн һурвн сай арлснг һарв. Тәвн процентинь танһчин бюджет өгв, тәвн процентинь бәәрн бюджет йилһж өгв. Ода газ әрвнәр олзлгджана. Урднь зун минһн арслнг өгдг билә, ода зуг дөчн минһн арслнг өгчәнә.
Николай Обшиевин темдглсәр, ода электрокүч болн газ эрвлһнә социальн программ районд зун процентд күцәгдв.
Николай Обшиевин келсәр, ода района цуцг социальн обьектмуд автономн дула өглһнә системд орулгдв. Энүнәс иштә газ эрвнәр олзлгдна. Ода гермүдт дулан. Багшнр болн сурһульчнр дулан хораст сурһулян дасжана.
Тер бийнь районд эн туст хаһлх төрмүд бәәнә. Бичкдүдин үүдәлтин герт капитальн ясвр кех кергтә, энүнә материальн-техническ ул батрулх кергтә гиж бичкдүдин үүдәлтин герин директор Жирһл Болдырева келнә. Тер мет уйн наста спортсменмүд шин физкультурн — спортивн комплекст нүүж орх зөвтә. Энүнә тосхлт иргч жилд эклх.
Бевина Мергн, Очра Сергей
