Эндр олн-әмтнә хуралын һурвдгч сессь болв
Эндр хальмг танһчин олн-әмтнә хуралын һурвдгч сессин сүүр болв. Энүнд депутатнр хөрн дөрвн төр хәләв. Тер хамгин һол төр болж иргч хойр минһн арвн дөрвдгч жилин танһчин бюджетин утск закан түрүн умшлһнд хәләгдв. Эн төрәр танһчин финансин министр Надежда Глушкина доклад кев. Хойр минһн арвн дөрвдгч жилд танһчин оруһин болн һаруһин кемжән долан жува нәәмн зун жирн хойр сай арлснг тогтажана. Хойр минһн арвн тавдгч жилд финансин министерств эн кемжәнәс баһ мөнг темдглв — долан жува найн нәәмн сай арслнг. Хойр минһн арвн зурһадгч жилд оруһин болн һаруһин кмжән дөчн долан сай арлснгд өсх зөвтә. Хуралын ахлач Анатолий Козачко келсәр, бюджетн зура бюджетн мөнг олзлһна олз-туста инструмент болжана. Тер мет сессин сүүрт социальн төрмүдәр күүндвр болв. Тер тоод инвалид улсиг көдлмшәр тетклһнә төр. Һучн тавнас үлү көдләчнртә предприятьмуд цуг көдләчнрәс һурвн процент инвалид улсиг орулж авх зөвтә. олн үртә өрк-бүлмүдиг дөннхин төлә заканд сольвр орулгдв. Олн-үртә иткүлин цаасн социальн харслтын органмуд әмтн бәәсн һазрас һарһж өгх зөвтә. Сессьт талдан чигн төрмүд хәләгдв.
