Тәмк школын өөр хулдж болшго. Энүнә туск зака 2001 жилд темдглж бичсн билә, давсн жилд болхла сольвр орулсн билә. Зуг зәрм арһлачнр эн закаг эвднә.

Давсн сарнг өдр Бийән тань нертә төсвин йовудт мана программ Яшкулин района нег совхозд олна малд хот белджәх зург үзүлсн билә.

Элст балһсна цутхлнг талвнгд олн улс хальмг би биилцхәв. Эн сән седвәртә керг-үүлдвриг "Иткл" нертә баһчудын олна организац бүрдәж давулв. Келхд, иим бүрдәц хйор жилдән мана танһчд көдлжәнә.

“Театр — бичкдүдт” нертә долан хонгин йовудт уйн наста хәләһәчнр “Сделай свой мир красивым” нертә шин тууль хәләж чадв. Иим соньн наад хәләсндән бичкдүд ик байрта бәәнә.

Өдгә цагт Элст балһсна олн әмтн бәәдг гер хулдж авч чаджахш. Юнгад гихлә, ода иим гермүд йир үнтә болжана.

Эндр Хальмг танһчин олн әмтнә хуралын дарани сүүр болжана. Зунын амрлһна хөөн депутатнр түрүн болж харһжана. Эндрк сүүрт хөрн төр хәләгдх. Депутатнр түрүләд арһлачнрин күцц зөвтә элчин туск төр хәләв.

Эн өдрмүдт Октябрьск района тутрһчнр урһц хуралһна дааврта көдлмшән цаарандан күцәжәнә. Дәкәд нег тодлад келхлә, эн көдлмш августын чилгчәр эклв.

Бачм чинртә бәәдл тогтхла, нег үлү түүмр шатхла зуг бичкдүд биш бөдүн улс чигн үүмнә, зәрмдән чигн ю кехән медхш.

Тәвн зурһан өнчн бичкдүдин бәәдг герин төр хаһлгдв. Өнчн көвүд-күүкдиг мөнгәр тетклһнә социальн халхар дөннлһнә программар иим улс бәәдг гертә болхмн.

Элстин лицейин туужин болн юридическ классин сурһульчнр цөн часин туршарт архелогуд болж чадв. Эн цагин эргдц эдн үнтә экземплярмуд олж авв. Арвдгч классин сурһульч Алтн Байр шавр буһшин үлдл үзүлжәнә.

Күрл мөнгн цагт Хальмг танһчин аһуд әмтн бәәж гиж медгдв. Эдн бәәршлж йовсн һазр Көтчнрә районд олдгдв. Эн өдрмүдт археологическ хамцу төсвин орлцачнр районд көдлжәнә. Эднд лицейин сурһульчнр нөкд болжана.

Элст балһсн эврәннь зун дөчн доладгч өөнән темдглв. Эн өдр кесг спортын марһас болв, һәәхүлмүд көдлв, соньн фестивальмуд болн концертмуд үзүлгдв.

Хар һазра районд болсн хүрмд кесг әмтн хордсна туск төриг мана “Вести-Калмыкия” программин зәнгчнр оньгасн алджахш. Энүнә учрнь — шарсн заһснас көлдтә иим олн улс хордж. Эндр Роспотребнадзор бүртклһнә аш диглв.

Дән болн күүкд улс негдүлж болшго санан болжана. Удл уга төрскән харсгч дәәнә ветеран, зенитчиц Елизавета Николаевна Чонаева йирн жилин өөнән темдглхмн.

Сурһулин шин жил күртл дала цаг үлдсн уга. Эн өдрмүдт Элст балһсна эрдм-сурһулин цуг учрежденьст белдврин көдлмш төгсжәнә. Зунын кемд энд аһу ик чинртә көдлмш кегдв.