Элст балһснд танһчин правительствин дарани сүүр болжана.

Эн өдрмүдт бичкдүдин үүдәлтин цутхлн эврәннь 20 жилин ончта өөнән темглв. Эн цутхлнгд көвүд-күүкд номин, сойлын болн спортын халхар эврәннь билг-эрдмән делгрүлж йовна. Тогтсн авьясар цутхлүгин заалмудт кесг керг-үүлдврмүд давулгдна.

Нарта-делкән хамгин сән гисн университетмудын номтнр Элст балһснд ирв. Хальмг танһчин аһуд давста һазр болн урмһл шинжлж хәләхин төлә Европин, Азин болн США-н специалистнр Хальмг танһчд ирсмн.

Эндр октябрин нег шинд медәтнрин өдр темдглджәнә. Эднә төлә үүдәгч коллективмуд орлцата байрин концерт болх. Тиим нәр тогтсн авьясар жил болһн давулгдна. Концертд орлцх арһ күн болһнд бәәнә.

Хальмгин телевиденя дөчн тавн жилин өөнин өмн өргнд мана телеканалын "Бийән тань" нертә керг-үүлдвр цаг ирвәс күч авчана. Хуучн зургудт бийән таньсн улс мана редакцд дару-дарунь жиннүлдг болв.

Элстин мотобольн команд давсн зун жилин далдгч жилмүдт цуг Советск Союзд ончрад, нер туурж йовсмн. Орн-нутгин болн Европин чемпионатмудт кесг ачлврмуд шүүж авла.

Усар улсиг тетклһнә, һазр олзлһна, медикүдт немр мөнг өглһнә болн заһс тенгст бәрлһнә аһу икдүлһнә төрмүдиг Лаганск района хургин элчнр хуралын депутатнрин хәләврт орулж өгв.

Баһ Дөрвдә района аһуд селәнә эдл-ахун кергт олзлх усна төр күцц хаһлһгдв. Тенд цуг насосн станцс көдлжәнә. Ода Калмелиоводхозин специалистнр Ижл һолас иржәх усна урсхл болн кемжәһинь бүрткж хәләжәнә.

Арвн негдгч Жанһрин байрин нәр-наадн күртл нег өдр үлдв. Эндр Элстин ипподромд белдврин сүл көдлмш кегджәнә. Энүнд район болһн эврәннь ишкә герән тосхжана. Иим герт района туужла өөрхн таньлдж болх.

Хальмг танһчд жил болһн келн-улсин сойлын болн спортын Жанһрин байр болна. Энүнд танһчин цуг райодын болн Элст балһсна элчнр орлцна.

Ода Элст балһснд инвалидмудын төлә олн-зүсн пандус тосхгдв. “Доступная среда” нертә керг-үүлдвр Әрәсәд зарлгдсн билә. Нег жил хооран эн программ Хальмгин хотл балһснд экләд күцәгдв.

Хаалһд бичкдүдиг харсхмн. Иим нертә керг-үүлдвр Элст балһснд болжана. Энүг бичкдүд хаалһар әәмшг угаһар йовлһна арвн хонгин программар күцәжәнә.

Эн жил алдр хөрн нәәмдгч әәрм тогтсна далн жилин өөн темдглгдхмн. Эн церг төрскән харсгч дәәнд Хальмг танһчин немшнрәс сулдхж авсмн.

Селәдт һазр дорас давста усн һарч иржәнә, газар тетклһнә төр, хаалһс тосхлһна болн бәәдг гермүд бәрлһнә төрмүд хол селәд-поселкст бәәх улсиг үүмлжәнә.

Эндр Әрәсән Федерацин премьер-министр Дмитрий Медведев энергетикин болн ЖКХ-н обьектмуд үвлд яһж белдсн тускар видеоконференц кев. Селвлцәнд цуг ирлцнһү ведомствин болн Әрәсән цуг субьектмудын толһачнр орлцв.