Олна малд хот белдлһнә көдлмш эн жил күнд таалд болжана. Танһчин зәрм фермерск эдл-ахус ниднкәс үвлд мууһар белджәнә. Кемр олна малас һару һархла ахлачнр засглда харһулгдхмн.

«Нам годы не помеха» нертә күч-көлснә болн дәәнә ветеранмудын клуб бииһин хөрн зурһадгч сезоһан секв. Ода клубын ханьд зу һар медәт оржана.

Согтуһар маши залсн әмтнә ял хөрн холванд икдхмн. Сокту жолачнриг чанһ засгла харһулх заканд сольвр орулх седвәриг Әрәсән премьер-министр Дмитрий Медведев дөннв.

Элст балһснд Нарта-делкән билгтнр нертә үүдәчг седвәрин буйнч седклин санг концерт үзүлв. Хальмг танһчд хамгин сән гисн баритонмуд ирәд, Муслим Магомаевин дуулж йовсн үүдәврмүд олн улсин оньгт тусхав.

Элст балһсна Шахматная, Геодезистов болн Рельефная нертә уульнцсин әмтн хату девскртә хаалһ угаһар түржәлә. Сән хаалһ энд тосхгдшго гиж эдн цөкрәд бәәв. Болв ода эн туст бәәдл ясрх бәәдлтә.

Хальмг танһчин толһач көдлмшин кергәр Городовиковск районд одла. Энд байрин бәәдлд Шин бәәдл нертә Южненск СМО селәнүр хаалһ секгдсн билә.

Хальмг танһчин зәрм райодт болн балһсд эврәннь өнчта өөнән темдглв. Тер тоод Октябрьск район йовна. Эн район тогтсна һучн тавн жилин өөн сергмжтәһәр темдглгдв.

Краснодарск крайд “Сочи-2012” нертә нарта-делкән арвн негдгч инвестиционн форум болв. Тогстн авьясар энүнд Әрәәсн цуг гилтә регионмудын элчнр орлцв. Тер мет һазадын ордудын кесг орн-нутгин делегац нааран ирв.

Элст балсһна Хомутниковин нертә уульнцин зун арвн хойрдгч а герт ора нурж. Нег сәнь күн шавтж, әмнәсн хаһцсн уга. Ода герин ора цаарандан нурад унжана.

Элст балһсна Чонкушовин нертә көгжмин училишд түрүн болж епископ Зиновий оютнрла харһв. Христиан улсин сойл болн көгжмин искусств — гисн төрәр күүнвдр тогтв.

Эн өдрмүдт Октябрьск район эврәннь ончта өөнән темдглжәнә. Эн район һучн тавн жил хооран Советск Союзин герой, танһчин партин обкомин түрүн сегләтр Басн Бадьминович Городовиковин седвәрәр бүрдәгдсн билә.

Элст балһсна алвна инспекц эндр болн манһдур алвна мөнг орулх саната улсла харһлт давулх. Күн болһн эврәннь һазрин, өлг-эдин болн машина алвна мөнгнә кемжәнә болн болзгин тускар медж чаджана.

Селән өдгә цапгт сойлын гер уга бәәж чадшго. Яшалтан района Эсто-Алтай селәнә әмтн арһ-чидләрн эврәннь селәнә сойлын герән хәләж харжана. Ода эн гер хуучрад нурад унжана.

Эндр Элст балһснд хальмгин тохма мал өскдг заводчикүдин келн-улсин ниицәнә һурвдгч сьезд болх.

Сочи балһснд арвн негдгч инвестиционн нарта-делкән форум көдлмшән эклв. Энүнд һол төр болж Әрәсән экономикин деклгрлтин төрмүд хәләгдх.