Хар Һазра района цутхлнг Комсомольский поселкин әмтн удл уга сән чинртә уудг усар теткгдхмн. Селәнә социальн делгрлт нертә федеральн программар энд усна шин сурвлжн тосхгджана.

Эндр Хальмг танһчин толһач Алексей Орлов танһчин зарһин ах приставин үүл дав зуур даажах Сергей Котельниковла харһлт кев. Урднь Котельников Дагестана республикин зарһин приставмудын заллтин һардачин дарук болж көдлжәсмн.

Июлин хөрн хойрла Улан-Удэ балһснас һарч йовсн нарта-делкән автопробегин орлцачнр давсн бембә өдр Элст балһснд ирв. Энүнд нурһлж күүкд улс йовна.

Хар Һазра района цуг әмтн иим байрта зәнг сонсчкад, тенкән уга гидгәр байрлв. Энд Мингиян өсәд-босад, спортын түрүн күцәмж бәрсмн.

Хальмгин бөк Олимпиадын күрл мөнгн медаль шүүж авч чадв.

Элст балһсна мэрийн толһачд Артур Дорджиев шиидгдв. Эндр Элст балһсна депутатнрин хургин сүүр болв. Мана үүдәгч баг минь ода эн хургас ирв.

Анһучнрт государственн нег янзта билет өггдхмн. Иим документ июлин нег шинәс авн экләд өггджәнә. Намрин-үвлин өмн өргнд анһучлх зөвшәл авх улсин то өснә. Эндр өдрт дөрвн минһн шин янзта билет өггдв.

Тер саамд сурһулин шин жилин өмн эк-эцкнр эврәннь үрдүдин эрүл-мендин тускар ухалж үүмнә. Бүкл жилдән эдн ямаран кеәвр бәәх, сурһульднь гем харш болхий аль угай гиж хоорндан күүнднә.

Хальмг танһчд иргч намрар олна дамшлтын эмчин мобильн офис секгдхмн. Машинд углж тәвгдсн эмнүлин модуль түрүн болж эндр Целинн района Троицкое селәнд үзүлгдв.

Июнь сарин чилгчд бичкдүдин ансамбль «Тюльпанчик» Францин орн-нутгас ирв. Талын һазрт көвүд-күүкд «Парижские звезды» нертә фестивалин гран-при шүүж авв. Эн өдрмүдт бичкдүд амрлһндан бәәсн бийнь, иргч концертд белдвр кежәнә.

Теегин гөрәсиг электрохаша харж харсжана. Спонсормудын мөнгәр танһчин зерлг ангудын цутхлнгд сайгаг талдан зерлг ангудас харсхин төлә электрохаша тәвгдв. Ода Яшкульск питомникд зун хөрн гөрәсн бәәнә.

Хол селәдт түргн интернет ирв. Әрәсән Президентин даалһвр күцәгджәнә. Комсомольский селәнд өдгә цагин некврлә ирлцәтә волоконн-оптическ залһлдана систем орулгдв. Иим эв-арһ талдан залһлданас кесг холванд сән болжана.

“Сочи 2014” нертә сойлын Олимпиадын Әрәсән регионмудын хойрдгч марафонд Хальмг танһчин Аллегро көгжмин ансамбль орлцв. Ода форум дегц Сочи болн Лондон балһснд болжана.

Көтчнрә района Шин Мер селәнә бәәрн күн Хальмг танһчин ачта багш гидг күндтә нер зүүжәнә. Бәәрн дундын школын директор ода өдр-бүүрин көдлмшән кежәнә. Сурһулин шин жилд белдвр кех кергтә.

Эндр күндтә көгшә Альвина Романовна Алкснэд Әрәсән президентин йөрәлин бичг байрин бәәдлд бәрүлж өггдв. Эндр дигтә йирн нас зүүв. Красноярск крайин Нижняя Буланка селәнд төрсмн.