Элст балһснд түрүн болж деед үзгин Нилын безг гем илткгдв. Иим гемәр одахн Волгоградск областьтд әмтн гемтсн билә.

Лондон балһснд болсн һучдгч зунын Олимпиадын чемпионк Алина Макаренко эндр Элст балһснд хәрж ирх. Нер туурсн спортсменкиг Элстин аэропортд олн улс күләжәнә.

Капитальн ясвр кегдсн герин эздүд байрлх зөвтә бәәсмн. Зуг эдн удан байрлсн уга. Одахн шинрүлгдсн герин ораһар ахр болзгт орсн хурас көлтә дусал дусв.

Скутер залдг зөвин цаас эн намрар Әрәсәд орулх зура бәәнә. Иим көлгн-күчнә залачнр хаалһин зокал яһж меддгинь зуг иим кевәр бүрткж болхмн. Шин зака ик кезәнә орулхла сән болх билә.

Эдлврин болзг давсн лифтмудын капитальн ясвр болн энүг шинрүлһн Элст балсһна әмтнд хурц төрт хүврв. Хуучн лифтмуд дару-дарунь хамхрна, нег үлү иим оборудовань му дүрс һарв.

Цецгүдин Элст балһсна бал нертә һәәхүл марһанд эн өдрмүдт хотл балһсна эрдм-сурһулин заллтд белдврин көдлмш гүргүдән. Иим сән зангшалд тохрсн керг-үүлдвр Элст балсһна сән өдрлә ирлцүлж жил болһн күцәгднә.

Эндр археологудын цугәрәсән сән өдр темдглгджәнә.

Ода Әрәсәд махна тохма бод малын то нег сайд күрв. Эднәс өрәлнь хальмгин тохма мал болж һарчана.

Бичкдүдән хәләвр уга үлдәсн эк-эцкнр чанһ засгла харһулгдх. Бичкн көвүд-күүкдиг гертнь, уульнцд эс ги ж машинд һанцхараһинь эк-эцкнр үлдәшгон төләд Государственн Хүүвин депутатнр шин зака белджәнә.

Элст балһсна Титовин нертә уульнцд олн жилдән бәәх Иванкиевихнә өрк бүл эн өдрмүдт очр чолун хүрмән темдглхәр бәәнә.

Эндр православн шажнд сүзглдг улс Успенск мацгин түрүн өдр темдглжәнә. Мацг хойр долан хонгт болад, августын хөрн нәәмнд төгсх. Православн шажнд шүттг әмтн эн мацгиг Иисус Христосд нерәднә.

Август сард эк-эцкнрин хамгин үүмәтә цаг болна. Бичкдүдән школд белдхин төлә кесг цаг болн мөнгн кергтә. Элст балһсна улсин тоолврар, школд кергтә эд-тавр ода дегд үнтә.

Хойр минһн арвн негдгч жилд олн патьрта гермүдт капитальн ясвр нертә адресн муниципальн программ күцәлһнә халхар Троицкое селәнд Целинн района прокуратур бүртклһ кев.

Хальмг танһчин толһачин кубокин футбольн марһан төгсв. Товчлгч нааднд Элст балһсна Уралан стадионд “Экспресс-тур” болн “МВД-Динамо” командс харһв. Турнирин йовудт эн хойр коллектив хамгин сәәнәр наадв.

Түүмрәс саглулһна кемжәнә шин зокал Әрәсәд орулгджана. Ода түүмрәс харслһ тетклһнд һардачнр онц оньг тусхаж, эднә дааврнь чанһржана.