Хар һазра районд болсн хүрмд кесг әмтн шарсн заһснас көлдтә хордж

Хар һазра районд болсн хүрмд кесг әмтн хордсна туск төриг мана “Вести-Калмыкия” программин зәнгчнр оньгасн алджахш. Энүнә учрнь — шарсн заһснас көлдтә иим олн улс хордж. Эндр Роспотребнадзор бүртклһнә аш диглв. Хордад, геснь көндрсн улс больницд орулгдсн билә. Лабораторн шинжлт кесн хөөн, гемтә улст сальмонеллан бактерий илткгдв. Эндр өдрт иим гемәр гемтсн найн нәәмн күн бәәнә. Эднәс хөрн йисн күн амбулаторн эмнлһ авчана. Элст балһсна, Баһ Дөрвд болн Ик Царнг селәдин больницд ода тавн күн эмнүлгджәнә. Эднә эрүл-мендин тускар эмчнр үүмжәхш. Такан өндгн Элст балһсна болн Артезиан селәнә магазидт хулдж авгдсн бәәж. Ода Роспотребнадзорин заллт Элст балһснд өдр болһн хот-хоолын санитарн бүртклһ кежәнә.