Эн жил Хальмг танһчин олн-әмтнә шүлгч, орчулач, келн-улсин амн үгин зөөр, авьяс сәәнәр медж йовсн билгтә келмрч Эрнжәнә Константина зун жилин өөн темдглгдхмн.

Өдгә цагт Хальмг танһчд коррупцин халхар зака эвдсн йовдлмуд илтклһнә то өсв. Энүнә тускар танһчин прокурор Хальмгин толһачла болсн харһлтын йовудт зәнглв.

Хальмг Танһчин олна үүлдәч Павел Дорджиевич Сангаджиевин зун жилин өөнд нерәдгдсн керг үүлдврмүд октябрь сард болх. Шидр энүнә дегтрин түрүн үзүлвр болв.

Эндр анестезиологин нарта-делкән өдр. Арвн йисдгч зун жилд анестезий бүрдәлһн хамгин һол номин күцәмж болв. Энүнә нилчәр шинжлтин делгрлт болв. Ода болхла эн халх клиническ медицина салу әнг болжана.

Октябрь сарин арвн тавнд дула өглһнә кем эклх зөвтә бәәсмн. Зуг эндр өдр күртл мана балһсна әмтнә гермүдт дулан ирсн уга.

Давсн нарн өдр Приютненск района толһачин сунһвр болв. Энүнд тавн кандидат орлцв. Хамгин олн ду Иван Кравченко авч.

Яшалтан бәәрн улс селән 1З5 жил хооран бүрдәгдснә өөнән темдглв. Селәг эстонск келн-улс тогтав. Түрүләд селән Эсто-Хагинка нер зүүв. 1956-гч жилд энүнд Яшалта гидг нер өгв.

"Алтн намр" нертә цугәрәсән агропромышленн арвн дөрвдгч һәәхүлд Хальмг танһч арвн алтн медль шүүж авв. Энүнд Әрәсән селәнә эдл-ахун нүүрлгч эдл-ахус орлцв.

Ода ГТРК “Калмыкия” нертә телепрограммиг Ик-Буурла, Городовиковск болн Октябрьск райодт олн әмтн хәләж чадх. Иим арһ дөчн тавн жил болад учрв. Тер цагт мана телевиденя хамгин түрүн сонсхвр эфирт һарсмн.

Эрүл-менд харлһна халх шинрүлһнә программ хойр жилдән күцәгдснә ашт мана танһчд ик сольвр болжана. Тер тоод саата күүкд улст дөн күрглһнә халхар бәәдл ясрв. Элст балһснд перинатальн цутхлнг секгдв.

Эндр Москва балһснд Алтн намр нертә агропромышленн цугәрәсән арвн дөрвдгч һәәхүл секгдв. Һәәхүлмүдин цутхлнгин Тохма мал нертә павильонд эндр хальмг тохма өвртә бод мал болн хальмг тохма хөд авч ирв.

Хальмг танһчин организацс болн предприятьмуд Пенсион сангин бюджетд зун хөрн дөрвн сай арслнг өртә. Ик өртә организацсин тоод Приютненск района учрежденьс йовна.

Намрин-үвлин кемд белдлһнә көдлмшин ашин тускар танһчин жилишн-коммунальн эдл-ахун министерств тооца кев. Иим көдлмш күцәхин төлә ут-тоодан зун далн сай арслнг зуралгдж.

“Алтн намр” нертә агропромышленн һәәхүлд Хальмг танһчин нүүрлгч селәнә эдл-ахун арвн предприять орлцжана. Һәәхүлмүдин цутхлнгд эдн тохма хамгин сән малан үзүлжәнә.

“Вести-Калмыкия” программин “Бийән тань” нертә рубрикд үзүлсн зургт бийән эс гиж өөрхн улсан таньсн улс мана редакцур жиннүлжәнә. Эн саамд Элст балһсна бәәрн күн Хасан Бикбулатов видеозургт бийән таньж.