Хальмг танһчин олн-әмтнә хуралын сүүр болв
Эндр Хальмг танһчин олн әмтнә хуралын дарани сүүр болжана. Зунын амрлһна хөөн депутатнр түрүн болж харһжана. Эндрк сүүрт хөрн төр хәләгдх. Депутатнр түрүләд арһлачнрин күцц зөвтә элчин туск төр хәләв. Энүг танһчин толһачс Алексей Орлов хуралд орулж өгсмн. Ода шин закан түрүн умшлһнд хәләгдсмн. Энүнә аппаратын төлә жилин туршарт бюджетас дөврн сай арслнг йилһж өггджәнә. Күцц зөвтә элчин штатд долан күн көдлх. Тер мет сүүрт социальн халхин ик чинртә төрмүдәр тодхра күүндвр болжана. Тер тоод пенсионермудын жирһлин хамгин баһ кемжәнә болн күч-көлснә ветеранмудын туск закана туск төрмүд депутатнрин һол оньгт бәәнә. Дәкәд болхла саата күүкд улсиг, нилх бичкдүдтә күүкд улсиг хот-хоолар тетклһнә болн талдан чигн социальн чинртә төрмүд хәләгджәнә. Хальмг танһчин һазрин болн зөөрин министр Татьяна Бакинован зәнглсәр, олн үртә өрк-бүлмүдт һазрин участк йилһж өглһнә зөв муниципалитетмуд иргч жилин январин нег шин күртл күцәж чадхмн. Сессин сүүрин йовудт Әрәсән Президентин сунһврт сән аш бәрсн төләд Хальмг танһчин толһач Алексей Орловд ханлтын бичг байрин бәәдлд бәрүлж өггдв.
